Евро 2008-д Швед болон Голландын эсрэг гайхалтай тоглолтыг үзүүлснээс хойш Аршавины хойноос том багууд олноороо хөөцөлдөж байгаа билээ.

Челси клубын эзэн Оросын тэрбумтан Абрамович түүнийг клубдээ авах хүсэлтээ байгаагаа илэрхийлсэн ч шинээр ирсэн дасгалжуулагч алдарт Сколари Деко-г илүүд үзсэн байна.

Харин Аршавины хайртай баг Барселончууд Деко-г явуулан оронд нь түүнийг авахаар яригдаж байгаа хэдий ч одоогийн байдлаар ямар нэгэн бодитой зүйл болоогүй байна.

Энэ зун Арсенал Хлеб, Адебаёор нарыг алдах нь бараг тодорхой болоод байгаа ба Венгер Аршавиныг сонирхож байгаагаа дурдсан билээ.

Мөн Аршавины агент Деннис Лачьтер: “Аршавины ирээдүй Хлеб, Адебаёор нараас шалтгаална” гэсэн мэдэгдэл хийжээ.