Энэ жил Алтан Мужийн Дайчидаас олон тоглогч чөлөөт агент болж байгаа бөгөөд тэдгээрийн ихэнх нь хуучин багаа орхиж шинэ баг сонгож байна. Өмнө нь Берон Девис багаа сольж Клипперстэй гэрээ үзэглэсэн бол энэ удаад Францын шигшээгийн хамгаалагч Майкл Питрус Орландогийн Илбэчингүүдтэй шинэ гэрээ байгуулахаар болжээ.

Өдгөө 26 настай тэрээр ҮСБХ-нд тоглоод 3 жилийн нүүр үзэж байгаа бөгөөд өнгөрсөн улиралд 66 тоглолтонд оролцож 7.2 оноо авч байжээ. Орландогийн хөгжөөн дэмжигчид түүнийг Д. Ховард, Х. Туркоглу нартай хамтран шилдэг тоглолт үзүүлнэ гэж найдаж байгаа нь тодорхой.