Оливер Канн зодог тайлснаар Баерн Мюнхен клуб ахлагчгүй болоод байгаа билээ. Тийм учраас одоо олон хүн Клинсманны шийдвэрийг хүлээж байна. Хөлбөмбөг сонирхогчдын хувьд хэд хэдэн тоглогчдыг багийн ахлагч болох боломжтой хэмээн үзэж байна.

Үүнд: Филипп Ламм, Марк ван Боммел, Луцио нарын нэрс нилээн дээгүүр явж байна. Нас залуу цус шингэн эд нар дотроос Филипп Ламмд ахлагч болох магадлал өндөр бий. Тэрээр 25 настай ч шигшээгийн ахлагчийн туузийг хэдий зүүж үзэж амжсан. Ямар ч нөхцөлд барьц алддаггүй, тайван, төлөв зан чанар түүнд энэ үүргийг даалгахад нөлөөлөх биз ээ.