Энэ зун чөлөөт агент болоод байсан Э. Нахера, Ж. Хэйс нартай Нью Жерсигийн Торнууд гэрээ байгуулахаар болжээ.

Мексик гаралтай Эдуардо Нахера нь 2000 оны драфтын 38-аар Хьюстонд очсон хэдий ч Даллас руу солилцоогоор очиж улмаар Алтан Мужийн Дайчид болон Денверын Шижир Алтнуудын бүрэлдэхүүнд тоглож байсан юм. Түүний хувьд өнгөрсөн жил Денверын бүрэлдэхүүнд багтаж 78 тоглолтонд оролцон дунджаар 5.9 оноо, 4.3 удаа самбараас бөмбөг авч байв.

Харин Жэрвис Хэйсийн хувьд 2003 оны драфтын 10-аар сонгогдон Вашингтоны Шидтэнгүүдэд ирж 4 улирал тоглосны эцэст Детройтын Бүлүүрүүдэд ирж 2007-08 оны улиралыг үдсэн юм. Түүний хувьд ҮСБХ-нд нийт 308 тоглолтонд оролцож дунджаар 8.3 оноо, 3.1 удаа самбараас бөмбөг авч байжээ.