Нуурынханы шилдэг сэлгээний тоглогчидын нэг Словени гаралтай хамгаалагч Саша Вуяачич багтайгаа 3 жилийн 15 сая долларын гэрээг байгуулжээ. Саша 2004 онд драфтын 27-оор сонгогдон Лос Анжелест ирж байсан юм. Түүний хувийн амжилт жилээс жилд сайжирсаар байгаа бөгөөд өнгөрсөн улиралд дунджаар 8.8 оноо, 2.1 самбар, 1.0 о.дамжуулалтыг гүйцэтгэсэн байна.

Саша Нуурынханы гурвалжин довтолгооны хувилбарт гайхалтай дасан зохицож оновчтой холын шидэлтүүдээрээ багтаа чухал үед олон удаа тус хүргэж байсан юм.

Ийнхүү Нуурынхан довтлогч Ронни Туриафаа Дайчидад алдсан ч чухал тоглогчидын нэг ”машин” хочит Саша Вуяачичаа багтаа үлдээж чадлаа.