Өнөөдөр 29-р олимпийн их наадмын жүдо бөхийн барилдааны сүүлчийн өдөр. Энэ өдөр М.Баяржавхлан, МУГТ Д.Цэрэнханд нар барилдаж байгаа билээ. М.Баяржавхлан эхний учраа болох аварга биет Польш эрд ялагдал хүлээсэн бол Д.Цэрэнханд харин дэлхийн аваргын хошой хүрэл медальт Голландын бөх Карола Уйлэнхоэдийг юко үнэлгээгээр ялж гараагаа сайхан эхэллээ. Одоо тэр 14 цагаас Словений бөх Лучия Полавдертай хүч үзнэ. Энэ бөх нь дэлхийн аваргын хүрэл медальтай, дэлхийн супер цомын аварга, дэлхийн цомын 4 удаагийн аварга бөх юм байна.