Та спортын хамгийн эгзэгтэй агшныг олныг л мэдэж байгаа байх. Тэр дундаас агууд тооцогдох агшин бол бүр цөөхөн төрнө. Майкл Жордан Брайн Расселлийг хуурч эцсийн шидэлтийг хийх, за бүр үндэсний бөх дээр П.Сүхбат гарьд Б.Гантогтох гарьдад унаж буй агшин гээд л гайхалтай агшнууд олон. Гэхдээ өнөөдөр тэрнээс дутахгүй эгзэгтэй үед ялалт шийдвэрлэгдсэн сонирхолтой агшинг би үзлээ. Үүний эзэн нь өнөөх гайхал Майкл Фелпс. Өчигдрийг хүртэл зургаан алтан медалийг өөрийн болгоод байсан Балтиморын хүү өнөөдөр 7 дахь алт, 7 дахь дэлхийн рекордны төлөөх дайралтаа хийв. Магадгүй өнөөдөр түүний хувьд хамгийн мартагдашгүй өдөр болох байх. Өнөөдөр өглөө эрвэйхий сэлэлтийн 100 метрийн сэлэлт болсон ба маш сонирхолтой финал болсон. Техникийн ололт, омега цагийн тусламжтайгаар ялагчийг шийдвэрлэсэн. Гараанаас эхэлж түүнтэй ширүүн тэмцэлдсэн Сербийн Милорад Кавич түүнээс бараг олимпийн түүхэн дэх хамгийн ойрхон зөрүү байж ч болох секундыг зуу хуваасны нэг гэсэн зөрүүгээр гүйцлээ. Ямар гоё хүрсэн бэ. Алтан хүрэлт гэхээс яахав. Фелпс 50,58 секундын амжилт үзүүлж, Кавич 50,59 гэсэн амжилт үзүүлсэн. Фелпс эхний 50 метрт дэд байрт явж байсан ч сүүлчийн 50 метрт 7 дахь алтаа халаасаллаа. Мөн 7 дахь дэлхийн рекорд.

Тэр энэ түрүүг авснаараа бүх цаг үеийн түүхэн дэх олимпийн хамгийн олон медальтай тамирчдын эгнээнд өөрийн нутаг нэгт, “мэргэжил” нэгт Марк Спитцтэй зэрэгцэн ирсэн юм. Гэхдээ дөнгөж 23тайдаа шүү.