NBA – гээс гарч Европ руу одох тоглогчид олширсоор л.

Хамгийн сүүлийн мэдээгээр Зөгийнүүд багын нөөц холбогч байсан Жаннеро Паргог Оросын Москва хотын Дунамо багтай нэг жилийн гэрээ байгуулжээ.Тэрбээр энэ хугацаанд 3.5 сая долларыг ойролцоогоор авах бололтой.

Өнгөрсөн долоо хоногт түүнийг сонирхож Сан Антонигынхан оролдож 2 сая ногоон санал болгосон төдийгүй Зөгийнүүд ч гэрээгээ сунгахаар ярилцаж байсан нь ийнхүү талаар болжээ.Түүний шинэхэн багт Нью Жэрсид тоглож байсан довтлогч Бостжан Начбэр 3 жилийн 14.3 сая долларын гэрээгээр өнгөрсөн 7 сарын 21нд эцэслэн тохирч гэрээ байгуулсан юм.

Парго нь энэ жил 28 настай бөгөөд NBA – д 6 жил болохдоо 4 баг дамжиж дундажаар 8.1 оноо,2.4 дамжуулалт гүйцэтгэж байсан юм.

Энэ жил Европ руу нүүсэн тоглогчдын жагсаалтыг эцэст нь эргэж харая.Жош Чилдресс,Ненад Кристич,Карлос Аррёо,Хуан Карлос Наваро,Карлос Делфино,Примоз Брезеч,Хорж Гарбажоса,Иал Бойкинс,Жаннеро Парго.