БНХАУ-н Бээжин хотод болж буй Зуны Олимпийн 29-р наадмын Боксийн 48кг-н жинд өрсөлдөж буй манай тамирчин ОУХМ, Ази тивийн аварга Пүрэвдоржийн Сэрдамба өнөөдөр хүрэл медалийн төлөө ДАШТ-н хүрэл медалт, жингийнхээ хамгийн хүчтэй өрсөлдөгчдийн нэг, Тайланд улсын боксчин Амнат Руенронгтой тоглож 5:2-н харьцаатайгаар буулган авснаар олимпийн хүрэл медалийн болзол хангалаа. Ийнхүү манай улсын боксчид 48, 54 кг-н жингүүдэд хүрэл медалийн болзол хангаснаар, энэхүү олимпод 4 медаль, Монгол улс түүхэндээ 19 медалтай болоод байна. Манай боксчин Сэрдамба мөнгөн медалийн төлөө Куба улсын тамирчин Пан Америкийн аварга Ямпир Хернандезтай 8 сарын 22нд өрсөлдөнө.