Энэ сарын 20-нд болсон хурлаараа Японы Сумогийн холбоо биедээ хар тамхи авч явж байсан ОХУ-ын бөх Ваканохо дэвжээний нэртэй  Сослан Александрович Гаглоеввасыг сумогийн ертөнцөөс насан туршид нь хөөх шийдвэр гаргалаа. Энэ нь одоо барилдаж байгаа бөхчүүдийн хувьд хамгийн том шийтгэл юм. Японы хуулиар хар тамхи биедээ авч явж байсан бол 5 жил хүртэл шоронд хорьдог юм байна. Ваканохог хэрхэх нь одоогоор тодорхойгүй юм байна.

Ваканохо 2005 оны 3-р сард мэргэжлийн сумод элсэн орсон бөгөөд шийтгэл хүлээж байгаа анхны сумоч бас биш юм. Өнгөрсөн жил манай их аварга Асашёорюү зуны тойргийн барилдаанд гэмтлийн улмаас оролцоогүй боловч хөлбөмбөгийн шоу тоглолтонд оролцсон тул Сумогийн холбооноос 2 башёд барилдуулахгүй байхаар шийтгэжээ. Мөн 2000 оны 12 сард Япон сумоч Токи жолоо барьж яваад хүн амины осол гаргаж байсан ба харьцангуй хөнгөн шийтгүүлж байжээ.