- Чикаго Буллз багийн лидер тоглогчдын нэг, оноо түүдэг гол хүн болох 25 настай, 191 см өндөртэй хамгаалагч Бен Гордоныг ОХУ-ын лигийн “ЦСКА” баг сонирхож байгаа тухай “Спорт-Экспресс” сонинд мэдээлжээ.

Энэ зун NBA-ын олон тоглогч Евролигийн зориод байгаа бөгөөд одоогоор арай ч Бен Гордоны хэмжээний сайн тоглогч Европт ирээгүй байгаа юм. Өнгөрсөн улиралд 18.6 оноо дунджаар авч байсан тоглогчтойгоо Буллз гэрээний талаар ярилцаж байгаа бөгөөд Бен Гордон багтаа буулт хийж, багийнхаа тавьсан нөхцөлөөр гэрээг байгуулах магадлалтай гэнэ.

- Филадельфи 76 баг самбар доор хамгаалж чаддаг, 3 онооноос довтолж чаддаг туршлагатай довтлогч Доннейль Маршаллыг өөрийн болгожээ. 35 настай тэрээр ахмад тоглогчийн доод цалин болох 1.26 сая доллараар цалинжих юм байна. Маршалл кареерийнхаа туршид лигт нийт 932 тоглолтонд оролцохдоо  дунджаар 11.4 оноо, 6.8 удаа самбараас авч байжээ.

- ЛеБрон Жеймсийн Кливленд Кавальерс бас нэгэн туршлагатай довтлогчтой гэрээ байгуулахаар ярилцаж байна. Тэр нь 2 жилийн өмнө Рокитст 9.7 оноо, 5.9 самбар гэсэн статистикийг 27 минутанд үзүүлдэг байсан Жован Ховард ба өнгөрсөн улиралд тэрээр Далласын замены сандалд суусан юм. Кливленд мөн Лоренцен Райтыг сонирхож байгаа ба энэ нь Бен Уоллес, Андерсан Варежао нарын нөөцийг хайж байгаа хэрэг юм.

- Өнгөрсөн улиралд хөгөө чирсэн Майами Хит ирэх улиралд сайн тоглох шаардлагатай. Ингэхийн тулд хамгийн гол нь Дуэйн Уэйд гэмтэлгүй байх хэрэгтэй. Уэйд олимпийн наадамд маш сайн тоглож байсан ба удаан хугацааны амралтын дараа дахин лигийг байлдан дагуулахад бэлхэн мэт харагдаж байлаа. Багийн босс Пэт Райли Уэйд болон Шон Мэрионд сайн хамтрагч олж өгөхөөр ажиллаж байна. Найдвартай сайн сонголт гэж хэлэхэд хэцүү ч өмнө нь Бүх оддын тоглолтонд оролцож байсан Жамал Маглойрыг багтаа элсүүлсэн байна, одоогоор. Мөн холбон тоглогчийн байрлалд тоглогч хайж байгаа бөгөөд урт хугацаанд гэмтэлтэй байсан авьяаслаг Шон Ливингстоныг онилж магадгүй гэнэ.