Азийн Олимпийн Зөвлөл  олимпийн болон Азийн наадмын хөтөлбөрт багтдаггүй спортын төрлүүдийг сурталчлах,  хүүхэд залуучуудын спортоор хичээллэх сонирхолыг нэмэгдүүлэх, тэднийг олимпизмийн үзэл санаагаар хүмүүжүүлэхэд хувь нэмэр оруулах зорилгоор тивийн хэмжээний нэгэн шинэ наадмыг зохион байгуулах санаачлага гаргасан нь Азийн элсний спортын наадам юм.
Азийн элсний спортын анхдугаар наадам 2008 оны 10 дугаар сарын 18-26 -нд Индонезийн үзэсгэлэнт арал Бали-д болно.

Энэ наадамд Азийн Олимпийн Зөвлөлийн 45 орны тамирчид спортын 17 төрлөөр өрсөлдөнө.

Манай улсаас элсний бөх, усны марафон сэлэлт, триатлон, модон бөмбөг гэсэн 4 төрөлд нийт 21 тамирчин оролцоно.