Өнгөрсөн 2007 онд Монголын мотоциклчид багийн Азийн АШТ-д оролцож мөнгөн медаль авчирч түүхэн амжилт гаргасан билээ. Харин өнөө жилийн Азийн багийн АШТ энэ сарын 19-20-нд БНХАУ-ын Шанхай хотноо болох гэж байна. Тус тэмцээнд эх орноо төлөөлж ОУХМ Х.Тэмүүжин, Б.Ган-Од нар дасгалжуулагч Б.Хадбаатарын хамт мордлоо. Уг тэмцээний дараа манай төмөр хүлэгтнүүд Английн Лондон хотноо болох багийн ДАШТ-д оролцох юм. ДАШТ-ийг ОУХМ Х.Тэмүүжин, Б.Ган-Од, Э.Халиунболд нар дасгалжуулагч Ш.Эрдэнэбилэг, Э.Ууганбаяр нарын хамт зорино. ДАШТ-д оролцох эрхийг Азийн хоёр оронд л олгосон бөгөөд Япон, Монголын тамирчдыг урьсан байна.