2012 оны Лондонгийн олимпийн циклийн эхний тэмцээндээ манай улсын жудочид амжилттай оролцлоо. Тайваны Тайпэйд болсон Зүүн Азийн аварга шалгаруулах тэмцээнд оролцсон манай тамирчдаас эрэгтэйчүүдийн +100 килограммын жинд барилдсан залуу жудоч Б. Төгөлдөр, – 100 килограмд барилдсан Б. Ариун-Эрдэнэ нар хүрэл, 66 килограммын жинд барилдсан Д. Дөлгөөн мөнгөн медаль тус тус хүртэцгээжээ. Харин эмэгтэйчүүдийн хамгийн хөнгөн жин 48 килограммд хүч үзсэн М. Уранцэцэг  хүрэл медаль авчээ.

Багийн барилдаанд манай эрэгтэй шигшээ баг амжилттай оролцон мөн хүрэл медаль хүртсэн байна. Дашрамд дурдахад энэ удаагийн тэмцээнд ихэвчлэн залуу тамирчид манай багийг бүрдүүлсэн юм.  Одоо манай тамирчид бас нэгэн ОУ-ын тэмцээнд оролцоод энэ сарын 27-нд эх орондоо ирнэ.