Тайваны Тайпей хотод болсон Жудогийн Зүүн Азийн аварга шалгаруулах тэмцээнд амжилттай оролцсон манай тамирчид үргэлжлүүлэн мөн тэндээ “Taipei International Judo Tournament”-д оролцсон байна. Зүүн Азийн аварга шалгаруулах тэмцээнд оролцсон шилдэг багууд бүгд оролцсон ба нийт 9 орны баг тамирчид оролцсон бөгөөд манай тамирчид өмнөх амжилтаа үлэмж ахиулллаа.

Тухайлбал эрэгтэйчүүдийн + 100 кг-ийн жинд барилдсан Б. Төгөлдөр, -100 кг-ийн жинд барилдсан Б. Ариун-Эрдэнэ,  66 кг-ийн жинд барилдсан Д. Дөлгөөн, 73 кг-ийн жинд барилдсан Хэрлэн  нар аваргын алтан медаль авсан байна. Мөн Одбаяр, Түвшинтулга, эмэгтэйчүүдийн 48 кг-ийн жинд өрсөлдсөн М. Уранцэцэг нар хүрэл медаль хүртсэн байна.

Манай эрэгтэй тамирчид бүгдээрээ медаль авсан, мөн ОУ-ын тэмцээнээс өмнө нь нэг дор ийм олон алтан медаль хүртэж байгаагүй  зэрэг онцлогуудтай болсон байна. Зүүн Азийн аварга шалгаруулах тэмцээн болон Тайпейгийн ОУ-ын тэмцээнд оролцсон БНСУ-ын багт дэлхийн аварга цолтой 2 ч тамирчин байжээ.