Чикаго Буллс баг өнгөрөгч лхагва гаригт чөлөөт агент болоод байсан хамгаалагч Бен Гордонтойгоо нэг жилийн 6.4 сая долларын гэрээг байгуулсан байна. Өнгөрсөн жил тэрээр Бухнуудын бүрэлдэхүүнд 72 тоглолт хийж дунджаар 18.6 оноо, 3.0 оновчтой дамжуулалт гүйцэтгэж байжээ. Уг нь Бен Гордон багийн анд Лоул Денгийн нэгэн адил урт хугацааны гэрээ байгуулахыг хүсч байсан ч энэ нь бүтсэнгүй.

Ийнхүү Буллс Бен Гордон, Кирк Хайнрич, Лэрри Хьюз, Деррик Рөүз, Табо Сефолоша нарын 5 хамгаалагчтай боллоо. Ирэх улиралд бидэнд дасгалжуулагч Дел Негро тэдний хэнийг нь хэдэн минут талбайд тоглуулахыг нь харцгаах л үлдлээ.