ФИФА-гаас сар бүр гаргадаг шигшээ багуудын энэ сарын чансаа гарлаа. Испаний шигшээ тэргүүлэгч хэвээр үлдэж, Итали, Герман мөн байраа хадгаллаа. Хойд хөрш ОХУ-ын шигшээ баг шилдэг 10-т орж ирсэн байна. Манай улсын хувьд байр болон оноонд өөрчлөлт орсонгүй. Өнгөрсөн сарын чансаатай харьцуулахад хамгийн их дэвшсэн баг нь оноогоо 268-аар нэмж, 111-р байрнаас 54-т очиж, 57 байр үсэрсэн Шинэ Зеланд болсон байна.

Европын хөлбөмбөг лигүүд амарч байгаа. Гэхдээ тоглогчид завгүй. ДАШТ-ын урьдчилсан тоглолтонд эх орноо төлөөлөн тоглоцгооно. Энэ хооронд болж байгаа зарим мэдээнээс хүргэвэл:

-        Испаний Рекреативо Маноло Самбраног шинэ дасгалжуулагчаар томилжээ.

-        Испаний шигшээд гэмтэл авсан Диого Капелийн оронд Ливерпулын Альберто Риера дуудагдсан байна.

-       Испаний хөлбөмбөгийн холбоо 11 сарын 19-нд Чилитэй хийх нөхөрсөг тоглолтыг Вилльяреалын “Эль Мадригал” цэнгэлдэхэд хийхээр болжээ.

-       Испаний хөлбөмбөгийн холбоо Эспаньол багийг 3000 еврогоор торгосон байна. Тэдний хөгжөөн дэмжигчид талбай дээрээ Барселонатай хийсэн тоглолтонд “зүггүйтсэн” юм.

-       Италийн шигшээгийн Болгар болон Черногортой хийх тоглолтыг үндсэн хаалгач Жанлуижи Буффон, хагас хамгаалагч Мауро Каморанези нар өнжих нь. Мөн Марко Матерацци, Фабио Гросоо, Андреа Пирло нарын нэрс ч алга, шалтгаан нь бас л гэмтэл.

-       Цагтаа Манчестер Юнайтедэд тоогдож, тэнд тоглож явсан Өмнөд Африкийн тоглогч Куинтон Форчун Итадийн Брешиатай гэрээ байгуулсан байна.