Фернандо Алонсо Японы Гра Прид түрүүлж, хоёр уралдаанд  дараалан ялалт байгууллаа. Түүний Формула-1 ийн 21 дэхь ялалт юм. Жилийн өмнө Фужигийн бороотой уралдаанд азгүйтэж  байсан бол энэ удаа алдсанаа нөхөж түрүүлэв. Р.Кубица, К.Райконен удаалж, Ф.Масса Л.Хэмилтонд хоёр оноогоор ойртлоо.

Формула-1 ийг сонирхогчид маань сүүлийн уралдаанууд адал явдал ихтэй ,үзүүштэй болж байгаа гэдэгтэй  санал нэг байгаа бизээ.Фужигын бэлд, бас л  онцгой сонирхолтой  уралдааныг хүсэн хүлээж байсан нь талаар болсонгүй.
Л.Хэмилтон   гараагаа муу хийж К.Райконенд гүйцэгдэн , эхний эргэлт дээр маш хожуу тоормослон, сөрөг довтолж  байж урд нь үлдэж чадсан. Сөрөг довтолгоо гэхээс илүү хүч хэрэглэсэн явдал гэж хэлж болно.Л.Хэмилтоний ингэж “хэрцгий “тоормосолсон нь өөрт болон бусдад сайнгүй үйлдэл болсон юм. К.Райконен ,Х.Ковалайненийг замаас шахан  бүхэл бүтэн цуваанд замбраагүй байдал үүсгэсэн.Зарим нь осолдон К.Накажима хамраасаа салж ,Д.Култхард уралдаанаас гарав.Л.Хэмилтон тэрхэн үед ,К.Райконеноос байрлалаа эргүүлж авсан ч хэдэн байрлал давхар алдсан юм. Р.Кубица,Ф.Алонсо нар энэ агшинг ашиглаж  урагшилсан.Ф.Алонсо гараагаа  сайн хийгээгүй боловч эндээс  түрүүлэх эхлэл нь тавигдсан .Тэр  уралдааны ямарваа нэгэн нөхцөлд ,оновчтой шийдвэр гаргаж  чаддаг  “анчны инстинкт”  сайтай билээ.
Р.Кубица Ф.Алонсо ,Х.Ковалайнен ,Я.Трулли нарын өмнө уралдааныг хошуучилж эхэлсэн .Тэдний араас  Ф.Масса ,Л.Хэмилтон нар явж байлаа.Гэтэл Ф.Масса богинохон, зүүн эргэлт дээр Л.Хэмилтоний дотор талаар эргэхдээ тоншиж, нөгөөх нь зам дээр эргэлдэж хоцров.Энэ бол Ф.Массагийн зүгээс хийсэн бүдүүлэг алдаа байлаа.Л.Хэмилтон тэр даруй цэнэглэх зогсоолд орон машинаа шалгуулж, тактикаа өөрчлөн шатахуун нэмж авав.
Удалгүй 1, 2,22  дугаартай машинуудыг коммисарууд шалгаж байна гэдгийг мэдэгдсэн.Ингээд Ф.Масса,Л.Хэмилтон нарт  торгууль  оноох болсон юм.Хоёулаа торгуулиа гүйцэтгэсний дараа Б13,Б14 т гарч ирсэн.
17 дахь тойрогт Р.Кубица ,К.Райконен нар зогсолт хийв.Нэг тойргын дараа Ф.Алонсо цэнэглэж, маш сайн зогсолтоороо  Р.Кубицаг гүйцэж чадав.Ингээд дараагын зогсолт хүртэл араасаа нэхэгчидээс хугацаа хожих даалгавараа амжилттай биелүүлж уралдааныг дуусгасан юм.
К.Райконен хоёрдахь удаа зогсоод Р.Кубицагын өмнө арай л гарч амжаагүй . К.Райконен ,Р.Кубица Б2 -ын төлөө тэмцэх зуур Реногын Н.Пикэ тэдэнд их ойрхон ирсэн.Гэвч энэ нь ерөөсөө аюул тарих явдал биш байв.Фужигын асфальтанд хатуу дугуй илүү тохиромжтой байсан .Зөөлөн дугуйг нь шинээр  аваад хэдэн тойргын яваад л анхны сайн чанараа алдаж байсан гэж дүгнэцгээсэн.Н.Пикэ  яг л ийм  дугуйны асуудалтай байсан болхоор аюул тарихаа өнгөрсөн юм.Гэхдээ тэрээр Б4 т орж маш чухал оноог багтаа авчирсан юм.
Улирал эхлэхэд л Рено  маш олон шийдэж чадаагүй  асуудалтай байсан.2007 оноос хэрэгжиж эхэлсэн моторын шинэ дүрэм Реногийн үзүүлэлтэнд хамгийн ихээр нөлөөлж байв.Дараа нь  дугуй нийлүүлэгч нь өөрчлөгдсөн мөн Ф.Алонсо МакЛарен луу явсан зэргээс  урд жилүүдийн гайхалтай амжилтууд нь мартагдах дөхөж  байлаа.Өнөөдөр Рено хуучин шигээ  амжилт үзүүлэв.Тэд зохион бүтээгчдийн аваргын гол өрсөлдөгч Тоёотагаас 16 оноогоор илүү боллоо.
Ф.Алонсог барианд орход техникийн инженер нь радиогоор   Фантастико! Алонсо ..грандэ.. грандэ гэж баяр хүргэлээ.

Барианд 15 нисгэгч орж 5 нь уралдаанаас цагаасаа өмнө гарсан .Д.Култхард хамгийн түрүүнд  осолдож  гарсан бол  Т.Глок  эвдрэлийн улмаас машинаа гаражинд аваачсан.Х.Ковалайнений хөдөлгүүр гэмтсэнээс замаас гарав.А.Сутил дугуй нь хагарснаас ,Ж.Физикелла мөн л техникийн шалтгаанаас болж уралдааныг орхижээ.
51 дэхь тойрогт Ф.Масса С.Бурдэтэй мөргөлдсөн ба хоёулаа эвдрэлгүй салцгаасан.Уралдааны дараа  С.Бурдэд 25 секундын торгууль оноосноор Ф.Масса нэг байрлал урагшилж хоёр оноо авхаар болов.
Үлдсэн хоёр уралдаанд гурван нисгэгч Л.Хэмилтон (84), Ф.Масса (79), Р.Кубица (72) ДА-гын төлөө өрсөлдөх боломжтой байна.Л.Хэмилтон  энэ удаа оноо авч чадаагүй ч жагсаалтыг  тэргүүлсэн хэвээр  байгаа юм.2008 оны улирал маш өрсөлдөөнтэй болж байгааг дурьдах хэрэгтэй.Гэхдээ  20 нисгэгч уралдаж байгаагаас 18 нисгэгч   оноо авсан байгаа нь өмнөх жилийнхээс нэгээр бага байна.
Дараагын Гра При  Шанхайд тав хоногын дараа эхлэнэ.

Хамгийн хурдтай тойрог  Ф.Масса 1:18.426

Зохион бүтээгчдийн ДА

Г уралдаанаас гарсан

- оноо аваагүй барианд орсон

Х уралдаанаас хасагдсан