Италийн сери А -н долдугаар тойргын тоглолт явагдлаа. Энэ тойргийн гол тоглолт бол мэдээж Рома -Интерийн тулаан байсан. Гэвч үзэгчдийн хүсэж байсан шиг хүчтэй өрсөлдөөн гарсангүй.

Фиорентина – Режжина 3 : 0 (Паззини , Жилардино -2)

Жилагоолын ээлжит шоу. Тэрээр ийнхүү Сери А -д 100 дахь гоолоо хийж байна. Режжина -н хувьд тоглолт эхнээсээ л бүтэлгүй тал руугаа эргэсэн бөгөөд 37 дахь минутад хаалгач Кампагнало нь хөөгдсөн тул байдал бараг тодорхой болсон гэж хэлж болно. Мөн Виола -н хаалгач Фреи энэ өдөр супер тоглолтыг үзүүлж олон ч аюултай цохилтыг хаасан юм.
Жилардино 6 гоолтойгоор Зарате -н хамт мэргэн буучдыг хошуучилж байгаа түүний баг ирэх мягмар гарагт Алианз Аренад зочлох билээ.
Тоглолтын Highlight

Наполи – Ювентус 2 : 1 (Лавеззи ,Хамсик) ,(Амаури)

Амаури тоглолтын салхийг хагалсан ч ердөө гуравхан минутын дараа Хамсик хариуг нь барьж ,79′ -д Лавеззи Юве -г булшилсан гоолыг хийжээ. Хуучин ноёдыг бэртэл гэмтлийн асуудал зовоосоор байгаа тэгвэл тэдний бэртэлтэй байгаа тоглогчид дээр Поулсен бас нэмэгдсэн ба 3 долоо хоног багтаа туслахгүй аж.

Нуман тулгуурт байгаа Раниер -н байр суурь улам ганхсан ч ,удирдлагууд нь юу юугүй хөөхийг хүсэхгүй байгаа бололтой. Ямар ч байсан ирэх Аваргуудын лиг болон дербийн чухал тоглолтуудаас түүний ирээдүй шалтгаалах нь тодорхой. Харин эсрэг талд нь байгаа Наполи -н залуус жинхэнэ бужигнуулж байна.

Juventus : Меннингер ,Григера ,Кнезевич ,Чиеллини ,Молинаро ,Салихамидзич ,Поулсен,Марчисио ,Недвед ,Амаури ,Дель Пиеро (Де Цеглие)

Тоглолтын Highlight

Милан – Сампдориа 3 : 0 (Роналдиньо – 2 ,Инзаги)
Мадоннина -н дербин ялагч шидэт Ронни багтаа ээлжит 3 оноог авчирлаа. Түүний дубль нь л Кассано тэргүүтэй Сампдориаг ялахад хангаллтай байв. Хоёрдугаар хагаст сэлгээгээр орж ирсэн Кака ,Роннитой тун сайн хосолж ,Кастелаззи -г сандаргаж байлаа. Мөн бэртлээс эргэн ирсэн Супер Пиппо гоол оруулсан нь Россонеричуудыг улам баярлуулсан нь мэдээж. Тоглолтын дараа Анчелотти ‘Интертэй скудетто – н төлөө өрсөлдөх баг бол бид , бидний тэргүүн зорилго бол лиг тэгээд УЕФА цом’ гэжээ.

Милан : Аббиати ,Антонини ,Бонера ,Мальдини ,Янкуловски ,Амбросини ,Фламини ,Сидорф ,Пато ,Роналдиньо ,Борриело (Инзаги ,Кака,Эмерсөн)

Тоглолтын Highlight

Рома – Интер 0 : 4 (Ибрахимович ,Обинна ,Станкович)

Мөнхийн хотынхны бүтэлгүйтэл үргэлжилсээр. Хамгаалалтын цөм Мексес ,Пануччи наргүйгээр тэд хүчтэй Интерийн эсрэг үнэхээр эсэргүүцэл үзүүлж чадалгүй байсаар талбайдаа ниргүүлэв. Дөнгөж 6 дахь минутад хамгаалалтын хайнга алдааг ашиглан Ибра эхний гоолыг оруулсан бол ,2 -р хагас эхлээд дахин нэг гоол оруулж дубль хийв. Рома -н үлбэгэр хамгаалалтыг ашиглан алсын цохилтоор Обинна ,Станкович нар дахин гоолдсон ба Спаллетти Менез ,Брихи -г гаргаад ч үр дүнд хүрэлгүй тоглолт дууслаа.

Рома : Дони ,Сисиньо ,Лориа ,Хуан ,Рийз ,Де Росси ,Акуйлани ,Таддеи ,Перротта ,Вучинич ,Тотти (Менез ,Брихи ,Окако Чука)

Интер : Хулио Сезар ,Майкон ,Кордоба ,Киву ,Занетти ,Станкович ,Камбиассо ,Мунтари ,Обинна ,Ибрахимович ,Куарэжма (Круз ,Дакур ,манчини)

Тоглолтын Highlight

Бологно – Лацио 3 : 1 (Волпи ,Ди Вайо – 2) ,(Роки)

Тоглолт дөнгөж эхлээд 11 минутын дотор 2 гоол оруулж өрсөлдөгчөө хүнд байдалд оруулсан Бологно-чууд цаашдаа боломж олголгүй байсаар 3 оноогоо халаасаллаа. 5 дараалсан ялагдал амсаж хүнд байдалд ороод байсан тэд бүх хүчээ шавхан энэхүү хар цувралаа төгсгөл болгож чадлаа.  2 багийнхан нийт 8 шар хуудас хүртжээ.

Лецци – Удинезе 2 : 2 (Тирибочи ,Домиззи) ,(Санчез, Д’Агостино )

Тун ширүүхэн болсон уг тулааны эцэст 2 баг эвийн гэрээ байгуулсан ба Удинезе 14 оноотой болж Интерийн араас нэхэгчдийн тоонд багтаж байна.

Женоа – Сиена 1 : 0 (Байва)

Хамгаалагч Байвагийн гоол Женоа -д 3 оноог авчирлаа. Мөн тэрээр өөрийн үндсэн үүргээ ч гайхалтай сайн биелүүлсэн билээ. 2 багийн довтлогчид энэ өдөр тийм ч муу байгаагүй ч Рубиньо ,Курчи 2 хаалгаа сайн манажээ. Улирал эхэлснээс хойш гэртээ хийсэн бүх тоглолтдоо Женочууд ялаад байгаа ба ээлжит өрсөлдөгч нь лигийг тэргүүлүгч Бенеамата байх юм.

Турин – Каглиари 0 : 1 (Акуафреска)

Тоглолтын баатар бол гоол оруулсан Акуафреска биш харин хаалгач Марчетти байлаа. Тэр байгаагүй бол энэ 3 оноо Туринд очсон байхийг ч үгүйсгэх аргагүй. Ийнхүү тэд улирлын анхны ялалтаа авч байна.

Катанья – Палермо 2 : 0 (Мартинез ,Маскара)

Мөн энэ тойргийн сонирхол татаж байсан тоглолт болох Сицилийн дерби өрсөлдөөнтэй болж Зенгагийн Катанья заналт дайснаа сөхрүүлж чадлаа.

Киево – Аталанта 1 : 1 (Мантовани) , (Фереира Пинто)

Т/т - тоглосон тоглолт Я -ялалт Т -тэнцээ Ял - ялагдал О.Г – оруулсан гоол А.Г – алдсан гоол

Сери А – Долдугаар тойргийн дараа

	Оноо	Т/т	Я	Т	Ял	О.Г	А.Г
Inter	16	7	5	1	1	13	5
Udinese	14	7	4	2	1	12	5
Catania	14	7	4	2	1	8	4
Napoli	14	7	4	2	1	10	7
Lazio	13	7	4	1	2	15	10
Milan	13	7	4	1	2	11	6
Fiorentina	13	7	4	1	2	9	6
Atalanta	13	7	4	1	2	8	6
Genoa	12	7	4	0	3	10	7
Palermo	12	7	4	0	3	10	10
Lecce	9	7	2	3	2	8	8
Juventus	9	7	2	3	2	6	6
Siena	8	7	2	2	3	5	5
Roma	7	7	2	1	4	8	12
Bologna	6	7	2	0	5	6	10
Chievo	6	7	1	3	3	5	9
Torino	5	7	1	2	4	7	11
Sampdoria	4	7	0	4	3	4	11
Cagliari	4	7	1	1	5	2	10
Reggina	2	7	0	2	5	4	13