ҮСБХ-ны шинэ улирал эхлэхэд ердөө 5 өдөр үлдлээ. ҮСБХ-ны баг тус бүр нэг улиралд 82 тоглолт тоглодог бөгөөд нийт ҮСБХ-ны 1230 тоглолт явагддаг байна. Та бүхэн 2008/2009 улирлын хамгийн сонирхолтой 10 өдрийг танилцуулж байна. Уг хуваарь УБ-ын цагаар байгаа болно.

1. 10 сарын 29. Улирлын нээлтийн тоглолт

Бостон – Клевилэнд

Өнгөрсөн улирлын аварга Бостон талбай дээрээ Хаан Жэймсийн багийн тоглолтоор 2008/2009 оны улирлын тоглолт эхлэх болно. Уг хоёр баг хамгийн сүүлд бүсийн аваргын төлөө 7 дахь тоглолт хийсэн бөгөөд уг тоглолтонд Хаан Жэймс 45 оноо авсан ч Пол Пьерсын авсан 41 онооны ачаар Бостон баг бүсийн аварга болсон билээ.

Лос Анжелес Лэйкерс – Портлэнд

Энэ үдэш өнгөрсөн жилийн драфтын номер 1 Грег Оден самбар доороо хамгийн хүчирхэг хослол болох Пау Газоль-Андре Байнум-Ламар Одомын эсрэг хэрхэн тоглохыг харах болно. Энэ тоглолт нь Одены ҮСБХ-ны албан ёсны анхны тоглолт байх гэдэг утгаараа онцлог юм.

2. 10 сарын 30. Лос Анжелес хотынхны тулаан

Энэ зуны солилцоо наймаанд хамгийн идэвхитэй ажиллаж шилдэг тоглогчиддоо явуулж эсрэгээрээ шилдэг тоглогчдыг багтаа нэгтгэсэн ЛА Клипперс баг ЛА-ийн нөгөө шилдэг баг болох өнгөрсөн улирлын дэд аварга багуудын тоглолт Стэплес ордонд өрсөлдөх болно.

3. 10 сарын 31. Рон Артест ба Пуужингууд…

Пуужингууд болон Даллас хоёрын тоглолтоор Рон Артест шилдэг багуудын эсрэг багтаа хэрхэн тус хүргэх вэ гэдэг асуултын хариултыг эхнээсээ өгч эхлэх болно.

Дараагийн сонирхолтой тоглолт Финикс – Шинэ Орлеан

Өнгөрсөн ПО-д цуврал 7 тоглолтонд ялагдал хүлээсэн Пол ба түүний нөхөд энэ жил 2 өөр багт аваргын цол хүртэж явсан шилдэг хамгаалагч Жэймс Позиг эгнээндээ нэгтгэж хариугаа авахыг хүсэж байгаа нь лавтай.

4. 11 сарын 22. Шинэ Орлеан – Оклохама сити

Нэг хотын 2 багын тулаан

5. 12 сарын 6. Дорнод бүсийн мангасуудын тулаан

Дорнод бүсийн сүүлийн 6 жилийн хамгийн шилдэг баг Детриотын талбай дээр залуучууд болон хашир тоглогчдыг эгнээндээ нэгтгэсэн 76-чууд зочилж тоглох тоглолт энэ жилийн сагсан бөмбөг сонирхогчдын хүсэн хүлээх тоглолтын нэг байх нь эргэлзээгүй.

6. 12 сарын 23. Хятадуудын тулаан

Хятадын 2 шилдэг тоглогч Яао, И хоёрын тулаан “Номер 3″ хэмээн энэхүү тоглолтыг нэрлэж болох юм. Өмнөх 2 тулаанд Яао ялсан бөгөөд энэ жил шинэ багтаа ирээдүйн Новицки гэж солигдож ирсэн И-гийн хувьд хоорондын тулааныг 2-1 болгох уу эсвэл 3-0 болгох уу гэдгийг шийдэх чухал тоглолт байх нь гарцаагүй.

7. 12 сарын 26. Есүс Христийн төрсөн өдөр

АНУ-ын цагаар 12 сарын 25 буюу Есүс Христийн төрсөн өдрийн орой маш олон сонирхолтой тоглолтуудын хуваарийг ҮСБХ-оос зохиодог билээ. Энэ уламжлалын дагуу энэ үдэш/манайхаар өглөө/ дараах сонирхолтой тоглолтуудыг явагдах нь байна.

Шинэ Орлейн – Орландо

Сан Антонио – Финикс

Бостон – Лэйкерс

Вашингтон – Клевилэнд

Даллас – Портланд

8. 1 сарын 3. Кобиг АК47 хамгаалсугай

Юта амжилт гаргалаа гэхэд гайхах хүн ховор харин амжилт гаргах замд нь үргэлж Лэйкерс саад болсоор ирсэн. Тэгвэл замд нь таардаг энэхүү дайснаа заавал ялах даалгавар Ютагийн тоглогчдод оногдож байна. Үүний тулд АК Коби сайн хааж, тоглуулахгүй байх нь эхний даалгавар…

9. 1 сарын 20. Хэн нь хамгийн шилдэг вэ?

Энэ өдөр хэн нь хамгийн шилдэг вэ гэдгийг Хаан Жэймс, Агуу Коби 2 шийдэх болно. Ийм өрсөлдөөн бүх цаг үед байсаар ирсэн. Энэ удаа давуу байдал нутаг дээрээ тоглох Кобид байх ч, айлын 5 тоглогчийн эсрэг ганцаараа сайн тоглоход л хожчих чадалтай Жэймс яаж ч магадгүй юм.

10. 3 сарын 5. Шак өмнөд далайн эрэгтээ эргэн ирсэн нь

Өмнөд Миамийн нарлаг далайн эрэгт Шак эргэн ирэх өдөр. Гэхдээ Миамигийн төлөө бус Финиксийн төлөө тоглох болно.