Европын хөлбөмбөгийн холбооны хамгийн нэр хүндтэй Аваргуудын лигийн тэмцээний шигшээ тоглолт ирэх жилийн 5 сард Италийн Ром хотод явагдах билээ. Тэгвэл ирэх жилийн финал хүртэл багуудыг ялалтанд уриалан дуудах шигшээ тоглолтын логог УЕФА албан ёсоор танилцууллаа. Эртний Ромын ялалтын бэлэг тэмдэг Лаврын навчин хэлхээг ,Аваргуудын лигийн дезайнтай хослуулан бүтээсэн уг эмблемийг Англид байрлалтай график дезайны Радиант агентлаг урлажээ.

Эртний Ромд дайн тулаанд ялсан баатар эр ,эзэн хаан хотын гудмаар цагаан морь унан энэхүү Лаврын хэлхээг толгойдоо өмсөн орж ирдэг байсан түүхтэй ажээ.
Энэ логог та одоо 5 сарын 27 оны өдөр хүртэл байнга харж болох ба Финалын тасалбарыг ирэх 2 сараас худалдаанд гаргах ажээ. Мөн 230 гаруй орны 150 гаран сая хүмүүс уг гайхамшигт тоглолтыг үзнэ гэсэн судалгаа гаргаад байгаа. Мөн Ромын Олимпико цэнгэлдэх түүхэндээ дөрөв дэх удаагаа Европын цомын шигшээг зохион байгуулах гэж байгаа ба Итали оронд 8 дахь удаагаа болох гэж байна. За тэгээд бүх багууддаа амжилт хүсье Ром руу урагшаа !