Өчигдөр орой Аргентины хөлбөмбөгийн холбоо
Diego MARADONA
Sergio BATISTA
Carlos BIANCHI
Miguel Angel RUSSO
нартай уулзаж ярилцах мэдээ байсан тэгвэл өнөөдөр Мара шинэ босс болжээ. Түүний багт залуучуудын шигшээгийн дасгалжуулагч сая олимпийн аварга авсан Батиста багтаж ажиллах болж. Тэд 86 оны дэлхийн аваргын бүрэлдэхүүнд хамтдаа тоглож байсан юм. 86 оны дэлхийн аварга 90 оны мөнгөн медальт багийн дасгалжуулагч Карлос Билардо Марагийн зөвлөхөөр ажиллах юм. Билардо бол Марад хамгийн их итгэл хүлээлгэдэг хүн байсан билээ. Тэрээр ТВд өгсөн ярилцлагадаа тэр бол эргэлзээгүй номер нэг сонголт би түүнтэй хамтран ажиллахдаа таатай байх болно гэжээ. Хамгийн сүүлд тэрээр 2004 онд Студентс багийг дасгалжуулж байлаа. Марагийн дараагийн өөр нэг туслах нь мөн л 86 оны дэлхийн аварга багийн гишүүн Хосе Луйс Браун юм байна. Тэрээр 17 хүртэлхи насны шигшээ багийг удирдаж байсан юм.

Ямартаа ч Мара өөрөө дасгалжуулагчийн ямар ч туршлагагүй ч гэлээ түүний баг маш сайн баг болсон санагдаж байна. Батиста миний бодлоор тун сайн дасгалжуулагч дээр нь багийн түүхэн дэх хамгийн шилдэг коач Билардо нар ажиллана. Дээр нь энэ дөрөв дөрвүүлээ 1983- 1990 оны хооронд шигшээд хамтдаа тоглож нэг нь дасгалжуулж байсан болохоор маш сайн гар нийлж ажиллах байх гэж найдаж байна.

За ямартай ч ингээд хөлбөмбөгийн бүх цаг үеийн түүхэн дэхь хамгийн шилдэг тоглогч магадгүй өнгөрсөн зууны түүхэн дэхь хамгийн өвөрмөц этгээд манай шигшээ багийг удирдах боллоо.
Тэр бол хар тамхичин архичин зөрүүд коммунист этгээд араншинтай. Гэхдээ түүнд итгэл хүлээлгэсэн магадгүй хамгийн том шалтгаан нь түүний аргентинийн төлөө цохилох зүрх сэтгэл нь байж болох юм. Өөр хэн нэгэн менежерээр ирлээ гэхэд түүнд алдар нэрээ дурсгах цом авах нь хамгийн чухал байх байсан бол Марадонагийн хувьд өөр байж болох юм. Түүнд тэртэй тэргүй хангалттай алдар нэр хүнд байгаа. Тэр ердөө л аргентинийн хөлбөмбөгийн төлөө цохилох зүрхтэй болохоор энэ багийн төлөө зүрх сэтгэлээ зориулахыг хүсч байгаа учраас л энэ ажлыг хүсч байгаа цорын ганц хүн ч байж болох юм. Шигшээгийн дасгалжуулагч болоод удаагүй байсан Билардо тухайн үедээ супер од байсан Марадонатай уулзаад чи суперод тэхээр шигшээдээ тоглосны чинь төлөө чамд цалин өгөх хэрэгтэй юу гэж асууж байхад би энэ шигшээ багийн өмсгөлийг өмсөх бүртээ анх удаа шигшээд дуудагдаж байгаа залуу шиг л баярладаг энэ **н** асуултыг надаас ахиж битгий асуугаарай гэж байсан гэдэг.
Тэр шигшээ багт юу өгч чадах вэ? Тэр бол зөрүүд адайр зан араншинтай. Гэхдээ тэр бол тэмцэгч пэссионист хүн. Тэр тоглолт бүрт ялахыг чин сэтгэлээсээ хүсч ялалтын төлөө тэмцдэг. Тэр Пелегийн талаар ярихдаа тэр гайхалтай тоглогч гэхдээ хөлбөмбөг тоглох заяатай робот мэт л байдаг тэр талбайд гараад сайн тоглодог гоол хийдэг гэхдээ тэр үүнийг ажилаа хийж байгаа мэт л хийдэг. Түүнд хүсэл сэтгэл пэшшин байдаггүй. Би ийм тоглогчдод нэг их дуртай биш. Одоо үеийн жишэг нь Зидане байна. Харин надад Дель Перо шиг хөлбөмбөгт зүрх сэтгэлээ өгсөн тоглогчид таалагддаг гэж хэлж байсан. Тэр ийм л хүн. Тэр энэ багт ялалтын төлөө зүтгэх менталитийг авчирч чадах хүн. Хамгийн сүүлд Ортега, Симеоне, Верон нарын үеийн шигшээ багт энэ чанар харагддаг байсан. Харин үүнээс хойшхи шигшээ багт ийм зан араншин илт дутагдаж байсан. Месси Рик гээд лидерүүд нь хэтэрхий даруухан. Харин Мара ирсэнээр ялалтын төлөө эрмэлзэх дайчин шаргуу агрессив сэтгэлзүйг энэ багт төлөвшүүлж чадах байх.
Хэдийгээр түүнд дасгалжуулагчийн туршлагасаад байх зүйл байхгүй. Гэсэн хэдий ч түүнд сайн туслагчид хамтрагчид бий. 86 онд шигшээг амжилтанд хүргэсэн дасгалжуулагч Билардо түүнд зөвлөж шигшээ багийн андууд болох залуучуудын шигшээг олимп болон дэлхийн аварга болгосон Луйс Браун Сержио Батиста нар стаффт нь багтаж байгаа.
Батистагийн багийн тоглолтууд надад үнэхээр таалагддаг. Батиста орчин үеийн хөлбөмбөгийн чиг хандлагыг сайн ажиглаж чадсан коач санагддаг. Тэр илүү физикль хамгаалсан тоглолтыг эрхэмлэдэг байсан залуучуудын шигшээд. Миний бодлоор манай шигшээ багт дутагддаг өөр нэг гол зүйл бол энэ. Орчин үеийн хөлбөмбөгт хамгаалалт гэдэг амжилтын хөшүүрэг болоод байгаа нь өнгөрсөн дэлхийн аваргаас харагдсан гэж боддог. Манайхан харин довтолсон гоёо хөлбөмбөгөө үзүүлэх гэсээр байгаад бүтэлгүйттэг.
Марадона дасгалжуулагч болсоноор өөр нэг давуу тал нь тэр илүү шийдэмгий зоримог ажиллах боломжтой.