Английн Тоттенхэм баг шинэ цэнгэлдэх хүрээлэн барих гэж байгаагаа албан ёсоор мэдээллээ. Шинэ цэнгэлдэх хүрээлэн нийт 60 мянган хүний багтаамжтай байх бөгөөд одоо байгаа Уайт Хартын ойролцоо баригдах юм байна. Тоттенхэмийн тоглож байгаа уг цэнгэлдэх хүрээлэн 109 жилийн түүхтэй агуу цэнгэлдэх хүрээлэнгийн нэг юм. Шинэ цэнгэлдэх баригдсанаар ажлын байр нэмэгдэнэ, шинэ орон сууц мөн мэдээж хэрэг олон хөгжөөн дэмжигчид Лондоны багийн гайхалтай тоглолтыг үзэх боломжтой гэж Тоттенхэмийн Ерөнхийлөгч Даниэль Леви мэдэгдсэн байна. Нэмж дурдахад Уайт Харт цэнгэлдэх хүрээлэн 36 мянган хүний суудалтай юм. Шинэ цэнгэлдэхийн барилгын ажил 2009 он гэхэд эхлэх юм байна.