Ирэх нэг сард Миланд ирэх нь тодорхой болоод буй Бекхемийг тойрсон яриа тасрахгүй байгаа билээ. Энэхүү шилжилт нь мань эрд ч, Россонеррид ч ашигтай. Бекс нэр хүндээ өсгөж, шигшээдээ тоглох боломжоо ихэсгэх бол Милан багийн сэтгэл санааны байдалд эергээр нөлөөлж, дэмжигчид нэмэгдэж мөн нилээд жерси зараад амжих гээд олон ашигтай зүйлс байгаа.

Дэвид Бекхэм : “Дэлхийн хамгийн том клубуудын нэг болох АС Миланд тоглох нь нэр хүндийн хэрэг юм. Гэхдээ би Галаксийг орxиж байгаа хэрэг биш. Би Галаксийн тоглогч хэвээр байх болно. Буцаж очоод олон цомууд авахыг хүсэж байна. Гол шалтгаан бол МЛС улирал Европтой адил ийм урт байдаггүй. Миний бие харин европын түвшнээр програмчлагдсан байдаг. Би Миланд хэдэн сар бэлтгэл хийж тоглохыг хүссэн. Үнэндээ бол би их азтай хүн. Английн бас Испаний шилдэг клубуудэд тоглож байсан. Харин одоо Италийн шилдэг клубуудын нэгт тоглох боломжтой боллоо. Тэдэнд Кака, Роналдиньо, Сийдорф болон хөлбөмбөгт хамгийн шилдэг үзүүлэлтийг үзүүлсэн Паоло Мальдини байгаа. Эдгээр тоглогчидтой цуг талбайд гарах, бэлтгэл хийх гэдэг бол маш том нэр хүндийн хэрэг.”

Карлотти : “Beckham needs AC Milan” гэсэн байсан. Бас “Тэр бол аялагч биш. Тэр чухал тоглогч бас шилдэг хөлбөмбөгч. Хэдийгээр богинохон хугацаатай байсан ч түүний потэнциал багт хэрэгтэй. Түүнтэй хамтрахад ямар ч асуудал байхгүй. Яагаад гэвэл хөлбөмбөг гэдэг олон улсын хэлээр бид ойлголцож байдаг, бас түүнийг энд байгаад багийнхан бүгд баяртай байгаа. Бэкхэм төвийн болон баруун хагаст тоглож чадна. Тэр Пирлог орлож чадах уу гэвэл мэдээж хэн ч түүний хөлтэй маргадаггүй. Хэрвээ тоглогчид өөрсдийнхөө амралтын хугацаанд бэлтгэл хиймээр байвал тэр нь надад хачирхалтай санагддаггүй. Бэкхэм Английн шигшээд байнга тоглохыг хүсэж байна. Энэ бол түүний хувьд хамгийн чухал зорилго. Би түүний энэ зорилгыг хүндэлж байна. Тэр бидэнтэй цуг Дуабид хийх аялан тоглолтод багийн нэг хэсэг байх боломжтой” гэжээ.

Каладзэ : “Милан удахгүй коучаар Жорж Клүүни, туслах менежэрээр Брэд Питтэй гэрээлнэ” гэж хошигнож. “Хувцас солих өрөөнд байсан багийхан энэ мэдээг сонсоод бүгд баяртай байсан. Бидэнд өмнө нь ид шидийг бүтээгч Кака, Шева, Роналдиньо байдаг байсан ,одоо Бекс нэмэгдэх нь”

Хуучин Реал Мадрид багийн анд Фабио Каннаваро: “Дэвид бол гайхамшигтай. Би нэг удаа Сэвиллд шөнө галт тэрэгээр цугтаа очиж байснаа санадаг юм. Буудлын гарцан дээр түүний фэн охидууд түүнд тэврүүлэх гээд шавчихсан  байсан. Энэ яг л Битлзийг угтаж байгаа юм шиг юм болж байсан. Би ийм юм урьд нь, бүр Наполид Марадонаг байхад хүртэл харж байгаагүй. Түүнийг зүгээр л стиль, ямар нэг чадвар байхгүй гэж хэлж байгаа хүмүүс бол буруу ярьж байна. Би тэдэнд 2 жилийн өмнөх Реал Мадрид Лигийн ‘тайтл’ авсанг сануулмаар байна. Тэр тайтлын 80 хувь нь Бэкхэм зүтгэл гэж боддог. Тэр хэсэг хугацааны дараа эргэж ирэхдээ ер бусын болсон байсан.”

Nobung@g@