Английн Премьер лигийн 11-р тойргийн 10 тоглолтын 9 энэ амралтын өдрүүдэд явагдлаа. Toп-4 баг бүгд тоглосон ба лигийг тэргүүлэгч Ливерпуль лигийн сүүл мушгиж байгаа Тоттенхэмд хожигдлоо. Шинэ дасгалжуулагч Харри Реднапп дөнгөж 7 хоногийн өмнө ирсэн ч энэ хэд хоногт гайхамшгийг бүтээж байна. Өнөө шөнө ‘хомоол хамагч’ Шаазгайнууд Астон Виллиг талбайдаа хүлээн авна.

Ливерпултэй тоглосон тоглолтын сүүлчийн минутанд Роман Павлюченко хожлын гоол хийж, багтаа 3 оноо бэлэглэв.

Арсеналын залуус энэ улиралд ихээхэн тогтворгүй тоглож байна. Тэд энэ удаа лигийн шинэ баг Стоукт хожигдлоо. Зүгээр нэг хожигдоод зогссонгүй, довтлогч Робин ван Перси нь улаан хуудас аван талбайгаас хөөгдсөн юм.

Одоогоор Челси, Ливерпул адилхан 26 оноотой байгаа ч бөмбөгний харьцаагаар Челси лигийг тэргүүлж эхэллээ.

Энэ тойргийн тоглолтуудын эргэн тойрон дахь зарим баримт, мэдээнээс танилцуулкъя.

Челси 5-0 Сандерланд

Алексын гоол Челсигийн Премьер лигт хийж байгаа 1000 дахь гоол болжээ. Ингэснээр Челси 1000 босгыг алхсан Премьер лигийн 4 дэх баг болж байна. Өмнөх 3 нь мэдээж Манчестер Юнайтед, Арсенал, Ливерпул.

Николья Анелка 3 гоол хийснээр Премьер лигт өөрийн 2 дахь хет-трикээ хийжээ. Сүүлийн 5 жилд анх удаа гэсэн үг. Өмнөх хет-трикээ 2003 оны 9-р сард түүний Манчестер Сити Астон Виллаг 4:1-ээр хожход хийж байж.

Энэхүү 5 гоолын зөрүүтэй ялагдал нь Сандерландын Премьер лигт хүлээсэн 2 дахь хамгийн муухай хожигдол боллоо. 2007 оны 11 сарын 24-нд тэд Эвертонд 1:7-оор хожигдож байлаа.

Эвертон 1-0 Фулхэм

Эвертон энэ улиралд лигийн талбай дээрээ ялалт байгуулаагүй ганц баг байсан хар цувралаа зогсоож чадлаа.

Луис Саха шинэ багтаа анхныхаа гоолоор бэлэг барьж байгаа бол Фулхамийг 2004 онд орхисноосоо хойш тэдний эсрэг 7 тоглохдоо ийн 4 дэх гоолоо хйиж байна.

Эвертон Премьер лигт Фулхэмийг талбай дээрээ 16 дараалан хожиж, ПЛ-ийн түүхэнд нэг багийг талбай дээрээ хамгийн удаан дарласан рекордтой зэрэгцлээ.
Манчестер Юнайтед 4-3 Халл

Лигийн шинэ баг Халл хэдий хожигдсон ч гэсэн сүүлийн 3 жил гаруйн хугацаанд Премьер лигт Манчестер Юнайтедийн хаалганд талбайд нь 3 гоол хийж чадсан анхны баг боллоо. 2005 оны 5 сард Челси “Олд траффорд”-д “Улаан чөтгөрүүд”-ийг 3:1-ээр хожиж байв.
Криштиану Роналду сүүлийн 8 лигийн тоглолт дараалан талбай дээрээ гоол хийлээ. Энэ нь сүүлийн 12 жилд хамгийн олон тоглолт дараалж талбай дээрээ гоолдсон цуврал болж байна. 1996 оны 8 сараас 1997 оны 5 сар хүртэл Алан Ширер 16 талбай дээхээ хийсэн лигийн тоглолтонд дараалан гоол оруулж байлаа. Мөн Роналду 2008 онд “Олд Траффорд”-д лигийн 20 тоглолт хийхдээ 18 дахь гоолоо оруулж байна.

Майкл Каррик Манчестерийн бүрэлдэхүүнд лигтээ нийт 6 гоол оруулсан ба бүгдийг нь “Олд Траффорд”-д хийсэн тоглолтонд хийжээ.

Неманья Видич 2007 оны 9 сард Эвертонд гоол хийснээс хойш анхныхаа лигийн гоолыг хийлээ. Тэр “МЮ”-ын бүрэлдэхүүнээс нийт 5 гоол хийхдээ бүгдийг нь тоглолтын 2-р хагаст хийсэн ба энэ тоглолтын гоол нь түүний анхны хөлөөрөө цохиж хийсэн гоол нь аж. Өмнөх 4-ыг бүгдийг нь мөргөж хаалганд хийж байв.

Халлын Даниэль Кузин энэ улиралд лигт 2 гоол хийсэн ба “Эмирайтс” болон “Олд Траффорд” цэнгэлдэхүүдэд хийжээ.

Халлын Жиованни сүүлийн 4 зочлон тоглолтондоо бүгдэд нь гоол орууллаа. Ингэснээр Жиованни 2006 онд Тоттенхэмд байхдаа 4 тоглолт дараалан айлын талбайд гоол хийсэн Робби Кинээс хойшхи анхны тоглогч болсон байна.

Миддлсбро 1-1 Вест Хэм

Хайден Муллинс 2006 оны 11 сарын 25-нд Шеффилдийн хаалганд гоол хийснээс хойш 58 тоглолтонд анхныхаа гоолыг хийлээ.

Миддлсбро Мидогийн гоол хийсэн 6 тоглолтын ердөө 2-т нь хожсон байна.
Портсмут 1-2 Уиган

Уиганы Эмиль Хески Премьер лигт 100 дахь гоолоо орууллаа. Харин Портсмутын эсрэг тоглолтонд анх удаа гоол хийж үзсэн нь энэ болов.

Амр Заки энэ улиралд ПЛ-т 8 гоол хийсэн ба үүнээс 6-г нь айлын талбайд тоглохдоо хийжээ.

Портсмутын Нико Кранчар 2007 оны 9 сард Ридингийг 7:4-өөр хожход гоол хийснээсээ хойш “Фраттон Парк”-т анхныхаа ПЛ-ын гоолоо хийлээ. Тэрхүү 11 гоол орсон тоглолт нь ПЛ-ийн 20 шахам жилийн түүхэн дэх хамгийн олон гоол орсон тоглолт байлаа.

Стоук 2-1 Арсенал

11 тоглолтын дараа 20 оноотой байгаа нь Арсеналыг Арсен Венгер удирдаж эхэлснээс хойшхи 2 дахь муу эхлэл нь юм. 2000-2001 оны улирлын эхний 11 тоглолтонд Арсенал 11 тоглолтын дараа 19 оноотой байлаа.

Мөн Арсен Венгерийн удирдлага дор Арсенал эхний 11 тоглолтондоо 3 буюу түүнээс дээш хожигдсон 3 дахь тохиолдол боллоо. Өмнөх 2 тохиолдол болсон 2005-2006 оны улиралд 4-р байр эзэлж байсан бол 1999-2000 онд 2-р байр эзэлж байв.

Робин ван Перси ПЛ-т улаан хуудас аван талбайгаас 2 дахь удаагаа хөөгдлөө. Өмнө нь 2005 оны 2 сард Соутхамптонтой 1:1-ээр тэнцэхэд ван Перси улаан хуудас авч байв.

Гаел Клиши Арсеналд 162 дахь тоглолтондоо анхны гоолоо хийв.
Вест Бром 2-2 Блекбэрн

Блекбэрн ийнхүү 5 тоглолт дараалан хожил авч чадсангүй. 2 жилийн өмнө 2006 оны 10, 11 саруудад 6 тоглолт дараалан хожоогүй цуврал бас бий.

Блекбэрний Кейт Эндрью ПЛ-ийн анхны гоолоо хийжээ.

Вест Бромын Роман Беднар энэ улиралд ПЛ-т 4 гоол хийсэн ба бүгдийг нь талбайдаа хийсэн тоглолтонд хийжээ.

Блекбэрний Бенни МакКарти сүүлийн жил гаруйн хугацаанд анх удаа айлын талбай дээр гоол хийлээ. Хамгийн сүүлд өнгөрсөн жилийн 10 сарын 28-нд Тоттенхэмтэй тоглоход айлын талбайд гоол хийж байв. Мөн МакКарти энэ онд улаан хуудас авсан Блекбэрний 2 дахь тоглогч болов. Нөгөө нэг нь Кристофер Самба юм.

Тоттенхэм 2-1 Ливерпул

Тоттенхэм 2008 онд анх удаа хожигдож яваад хожлоо. Сүүлд өнгөрсөн 12 сард л Ридингэд хожигдож явсан ч хожсон юм.

Мөн Тоттенхэм сүүлийн 17 тоглолтын турш анх удаа 2 тоглолт дараалан comeback хийлээ. Өмнөх тойрогт Аресалтай сүүлийн мөчид тэнцэж чадсан бол энэ удаа Ливерпулыг сүүлийн мөчид хожиж чадлаа.

Ливерпулийн Дирк Кюйт сүүлийн 5 ПЛ-ийн тоглолтонд 4 дэх гоолоо хийв. Харин өмнөх 27 тоглолтонд нэг ч гоол хийгээгүй байлаа.

Тоттенхэмийн шинэ довтлогч Роман Павлюченко талбайдаа хийсэн сүүлийн 2 ПЛ-ийн тоглолт дараалан гоол хийлээ. Өмнөх 3 талбайдаа хийсэн тоглолтонд гоол хийгээгүй байсан юм.

Болтон 2 : 0 : Манчестер Сити

Нээлтийн тоглолтонд Скөүкийг ялснаас  хойш талбайдаа хожно гээчийг мартаад байсан Болтон арай гэж ‘хомоол хамагч’ байрнаасаа урагшиллаа. Мэдээж дэлхийн топ болох том зорилгтотой Сити -г буулган авна гэдэг амаргүй байсан. Тоглолтын 77 дахь минутад Стеинссоны кроссыг Гарднер чулуу бол болгсон бол арван минутын дараа Данни өөртөө гоолдсоноор зочид оноогүй харилаа. Гери Мегсон ‘ББСи -д өгсөн ярилцагадаа  ‘багынхаа тоглолтонд сэтгэл хангалуун байгаагаа хэлээд , энэхүү уналтаасаа аль болох хурдан гарч ,дээд хагаст бичигдэнэ гэжээ.

Лигийн хүснэгт

	БАГ	Тт	Хо	Тэ	Хд	о/г	а/г	б/х	Оноо
1	Челси	11	8	2	1	27	4	+23	26	2009-10 улирлын Аваргуудын лигт хэсгийн тоглолт
2	Ливерпул	11	8	2	1	16	8	+8	26
3	Манчестер Юнайтед	10	6	3	1	19	8	+11	21
4	Арсенал	11	6	2	3	23	12	+11	20	Аваргуудын лиг, урьдчилсан шат
5	Астон Вилла	10	6	2	2	19	12	+7	20	2009-10 улирлын УЕФА цом, 4-р шатнаас
6	Халл	11	6	2	3	17	18	−1	20
7	Эвертон	11	4	3	4	15	19	−4	15
8	Миддлсбро	11	4	2	5	11	16	−5	14
9	Портсмут	11	4	2	5	11	17	−6	14
10	Манчестер Сити	11	4	1	6	23	18	+5	13
11	Вест Хэм	11	4	1	6	15	19	−4	13
12	Стоук	11	4	1	6	13	19	−6	13
13	Блекбэрн	11	3	4	4	13	20	−7	13
14	Сандерланд	11	3	3	5	9	16	−7	12
15	Фулэм	10	3	2	5	8	9	−1	11
16	Уиган	11	3	2	6	13	16	−3	11
17	Болтон	11	3	2	6	10	13	−3	11
18	Вест Бром	11	3	2	6	10	18	−8	11	Football League Championship рүү унах
19	Тоттенхэм	11	2	3	6	13	17	−4	9
20	Ньюкасл	10	2	3	5	12	18	−6	9