Эмэгтэй теннисчид Доха-д өрсөлдөөнөө эхлүүлж байгаа бол эрэгтэйчүүд ирэх долоо хоногт Шанхайд шилдгээ шалгаруулахаар бэлтгэлээ хийж байна. Харамсалтай нь, энэ тэмцээнд дэлхийн чансааг тэргүүлэгч Рафаэль Надаль оролцож чадахгүйгүйгээ мэдэгдлээ. Испанийн супер од энэ шийдвэрээ өвдгөндөө гэмтэл авсантай холбон тайлбарласан байна. Надаль өнгөрсөн Бямба гарагт Парис-Мастерс-ийн хагас шигшээд ОХУ-ын теннисчин Николай Давыденкогийн эсрэг тоглолтын үед бэртэл авсан юм. Түүний оронд Мастерс-Кап-ын төлөө Францын Жиль Симон өрсөлдөхөөр боллоо.