Европын хөлбөмбөгийн холбооны (UEFA) хамгийн нэр хүндтэй Аваргуудын лиг ид сонирхолтой шатандаа явагдаж байна. Одоогоор багууд хэсгийн 4 -р тойргийн тоглолтуудаа хийж байгаа ба та бүхэнд өнгөрсөн мягмар гарагт явагдсан A ,B,C,D хэсгүүдийн тоглолтуудын дүнг танилцуулья.

А хэсэг

Клуж (Румын) 1 : 2 Бордо (Франц)
(Дани) ,(Гоуркуфф ,Уэндэл)

Төмөр замчдынб клубын үлгэрийн сайхан зүүд нь өндөрлөж байх шиг байна. Тоглолтын 6 дэх минутад тэд эхний гоолыг алдсан ч ,гуравхан минутын дараа тэнцүүлж дөнгөв.Гэсэн ч Лоран Бланы цэргүүд төгсгөлөө сайн хийсний хүчинд 3 оноогоо халаасалж чадлаа. ‘Эхний 2 ялагдал биднийг дараагийн шатанд шалгарахад саад болж байсан ч ,одоо энэ эрчээрэ явбал бидэнд боломж байна’ гэж Францын багийн дасгалжуулагч ярьжээ.
Хэрвээ Клуж тэд ирэх 26 -нд Роматай хийх тулаандаа ялагдвал ,УЕФА -н цомоос өөр сонголтгүй үлдэнэ. Иймээс тэд бүх хүчээ дайчлан тулалдах нь тодорхой.

Рома (Итали) 3 : 1 Челси (Англи)
(Пануччи , Вучинич -2) , (Терри)
Сүүлийн 5 тоглолтдоо дараалан ялагдал хүлээж ,лигтээ хомоол хамагчдын байранд бичэгдэж байгаа Рома -г ийм ялалт байгуулна гэж олон хүн төсөөлөөгүй л болов уу. Гэхдээ тэд чадлаа. Европын ямар ч том клубын зүрхийг чичрүүлж дөнгөх хүчтэй Челси -г буулган авсан нь тэдэнд одоо тулгараад байгаа хямралаа даван туулах эрч хүч ,сэтгэл санааны их дэмийг өгсөн нь тодорхой. Ноён Спаллетти энэ удаа өөрийн хэрэглэх дуртай 4-2-3-1 тактикаасаа татгалзаж хоёр довтлогчтой 4-4-2 схемийг ашигласан нь үр дүнгээ өгчээ. Нэн ялангуяа хал цэрэг Пануччи -н эхний гоол багийнханд нь маш их урам зоригийг бэлэглэсэн гэж тоглолтын дараа Спаллетт дурьсан ба мөн тэрээр багийнхандаа маш их баярлаж байна ,бүгд гайхалтай байлаа’ ‘ Бид сүүлийн хэдэн долоо хоногийг хамтдаа өнгөрүүлж энэ хямралаасаа гарахийн тулд бүхний хийсэн ,удирдлагын зүгээс ч чадахаараа тусалсан’ гэжээ.
Цэнхэрүүдийн хувьд ялагдсан ч хэсгээ тэргүүлсэн хэвээр байна ,ирэх тойрогтоо тэд Бордогийн талбайд зочлох ба хэрвээ ялж чадвал Плеи -офф шатанд үлдэх нь тодорхой болох ажээ.

Челси : Чех ,Босингва (62′ Калу) ,Алекс ,Терри ,Бриж ,Оби Микел ,Ж.Коул (45′ Беллетти) ,Декү Лампард ,Малуда (45′ Дрогба) ,Анелка

Рома : Дони ,Сисиньо ,Мексес ,Жуан ,Пануччи ,Де Росси ,Перротта (71′ Таддеи) ,Брихи ,Пизарро ,Тотти (61′ Баптиста) ,Вучинич (87′ Рийз)

Баг	Т/т	Я	Т	Ял	О.Г	А.Г	Г.З	Pts
Chelsea	4	2	1	1	6	3	+3	7
Roma	4	2	0	2	7	5	+2	6
Bordeaux	4	2	0	2	4	8	−4	6
CFR Cluj	4	1	1	2	3	4	−1	4

B хэсэг

Анартосис (Кипр) 3 : 3 Интер (Итали)
(Бардон ,Панаги ,Фроусос) ,(Балотелли ,Матераззи ,Круз )

Киприйн жижигхэн клуб Анартосисийн хувьд магтахгүй байхийн арга алга. Тэд одоогоор хэсэгтээ 2 -р байранд явж байгаа бөгөөд хэрвээ үлдсэн тоглолтуудаа амжилттай хийвэл хэсгээсээ гарахгүй гэсэн баталгаа алга. Хар хөхүүдийн хувьд ирэх тойрогт Грекүүдэд ялагдчихгүй л бол хэсгээсээ гарчихна. Энэ удаагийн тоглолтонд тэднээс хамгаалагч Бурдиссо маш муу байсан ба түүний алдаанаас болж 2 гоол алдсан гэж хэлж болно.
Тоглолтын дараа ‘онцгой нэгэн’ ‘Бид энэ тоглолтонд 7 гоол оруулсан гурвыг нь айлын хаалганд ,гурвыг нь өөринхөө хаалганд ,харин камбиассо -н нэг гоолыг тооцоогүй юм’ Аваргуудын лигт хамаг сайнаа ирэх 2 сард л үзүүлэх ёстой одоо биш’ гэжээ.

Интер : Хулио Цезар ,Майкон ,Бурдиссо (57′ Виера) ,Матераззи ,Занетти ,Куарежма ,Станкович (58′ Максуэл) ,Камбиассо ,Манчини (58′ Балотелли) ,Ибрахимович

Вердер (Герман) 0 : 3 Панатинайкос (Грек)
(Мантзиос ,Карагоунес ,Тзиолис)

Саяхан л лигтээ өрсөлдөгчөө бутниргэж байсан Вердер энэ тоглолтонд огт харагдсангүй.
Талбай дээрээ бутниргүүлсэн энэ ялагдлын дараа Томас Шааф ‘Нуугаад яахав бид муу байлаа ,олдсон боломжуудаа ерөөсөө ашиглаж чадсангүй ,маш хүнд тулаан байлаа’ гэжээ. Грекийн багаас Бременчүүдийг бутниргэхэд голлох үүргийг Александрос Тзиолис гүйцэтгэсэн ба ерөнхийдөө довтолгооны бүсийнхэн бүгд гайхалтай байж Виес -н хаалгыг бөмбөгдөж байлаа. Ирэх тойрогт Интертэй хийх тулаандаа энэ эрчээрээ тоглож чадвал тэдэнд боломж байгаа.

Баг	Т/т	Я	Т	Ял	О.Г	А.Г	Г.З	оноо
Internazionale	4	2	2	0	7	4	+3	8
Anorthosis	4	1	2	1	6	5	+1	5
Panathinaikos	4	1	1	2	6	7	−1	4
Werder Bremen	4	0	3	1	3	6	−3	3

С хэсэг

Барселона (Испани) 1 : 1 Басель (Швеицарь)
(Месси) ,(Дердёк)

Сүүлийн хэдэн тоглолтонд өрсөлдөгчдөө зүгээр ниргээд өнгөрч байсан Барса-д энэ тэнцээ томоохон сургамж боллоо. Өрсөлдөгчөө хэтэрхий дутуу үнэлсэн тэд тун тааруухан үзүүлэлтийг харуулсан. Мөн Каталончууд энэ тоглолтонд алдсан 2 онооноосоо илүү ,хүнд гарз хохирол амссан нь багийн гол тоглогч Иниеста ба тэрээр сар гаран багтаа тус болж чадахгүй болжээ. Түүнийг эзгүйд баг нь Реал Мадрид -тай тоглох байгаа. Ингэхээр Классико -д Барса -н хүч бага зэрэг сулрах бололтой. ‘Пэп’ тоглолтын дараа ‘Бид дараагийн шатанд шалгарах гэсэн гол зорилгоо биелүүлж чадлаа ,бид хүчин чармайлт гаргасан ,ерөнхийдөө бүх юм хэвийн‘ гэжээ

Барселона : Валдес ,Пуёол ,Маркез ,Пикэ ,Силвиньо ,Бускует ,Виктор Санчез (58′ Чави) ,Иниеста (67′ Этү) ,Боёан (58′ Месси) ,Хлеб ,Анри

Спортинг (Португал) 1 : 0 Шахтёр (Украйн)
(Дерлеи)

Энэ тоглолтын баатар Дерлеи сэлгээгээр орж ирээд гуравхан минутын дараа хожлын гоолыг багтаа бэлэглэжээ. Энэхүү маш чухал ялалт нь тэднийг Аваргуудын лигийн дараагийн шатанд оруулж байгаа юм. Паоло Бента ‘Спортинг’ -н дасгалжуулагч хэлэхдээ ‘Энэ бол бид бүхний хувьд гайхалтай мөч ,нэн ялангуяа тамирчдын маань хувьд’ ‘Гэхдээ бид ингээд санаа амарч болохгүй ,бидэнд хийх зүйл маш их байна, энэ нэр хүндтэй тэмцээнд өрсөлдөөн гаргахийн тулд бид өөрсдөө хүчтэй байх хэрэгтэй’ .

Баг	Т/т	Я	Т	Ял	О.Г	А.Г	Г.З	оноо
Barcelona	4	3	1	0	11	3	+8	10
Sporting CP	4	3	0	1	5	3	+2	9
Shakhtar Donetsk	4	1	0	3	3	5	−2	3
Basel	4	0	1	3	2	10	−8	1

D хэсэг

Ливерпуль (Англи) 1 : 1 Атлетико (Испани)
(Жеррард) ,(Макси Родригез)
Тоглолтын сүүлийн мөч хүртэл ,бүр нэмэлт цагийн сүүлийн мөч хүртэл зочид тоглолтыг хошуулчилж байв. Гэтэл нэмэлт цаг дуусах мөчид шүүгч Ливер -т пенальт өгснөөр талбайн эзэд ялагдлаас аврагдлаа. Энэ тоглолтын дараа Испаний хэвлэлүүдээр дээрхи пеналтиг’ хуурамч’ байсан,мөн шүүгч олон буруу шийдвэр гаргасан гэж нилээд шуугиж байна. Гэсэн ч шүүгч шийдвэрээ гаргасан бол гаргасан ,ямар ч эргэж буцах зүйл үгүй билээ.
Энэ хэсэгт ямар хоёр баг гарах нь бараг тодорхой болсон бөгөөд одоо зөвхөн хэн нь нэгээр вэ ? гэдэг асуултын хариулт л ирэх тойргуудаас тодрох болов уу.

Ливерпуль : Реина ,Аурелиа ,Аггер ,Каррагер ,Арбелоа ,Жеррард ,Койт ,Чаби Алонсо ,Риера (61′ Бабел) ,Кийн (71′ Лукас) ,Машерано (77′ Нгог)

Марсель (Франц) 3 : 0 ПСВ (Голланд)
( Коне ,Нианг -2 )

Марсельчүүд Аваргуудын лиг эхэлснээс хойш анхны ялалт ,анхны оноогоо авч байгаа нь энэ. Хэдийгээр үнэмшилгүй ч гэсэн тэдэнд одоо ч хэсгээсээ гарах боломж байгаа. Гэхдээ тэргүүлэгч 2 баг нь ирэх тойргуудад ялагдан гэдэг юу л бол.
Францын багийн дасгалжуулагч Эрик Геретс багийнхаа тоглолтонд сэтгэл хангалуун байгаагаа мэдэгдээд мөн бид эцсийн мөч хүртлээ тэмцэнэ ‘ гэжээ.

Баг	Т/т	Я	Т	Ял	О.Г	А.Г	Г.З	оноо
Atlético Madrid	4	2	2	0	7	3	+4	8
Liverpool	4	2	2	0	7	4	+3	8
Marseille	4	1	0	3	5	6	−1	3 3
PSV Eindhoven	4	1	0	3	3	9	−6