Америкийн Үндэсний сагсан бөмбөгийн холбооны лигт жил бүр драфтаар шинэ тоглогч нар элсэж байдаг. Драфтын тэдгээр тоглогчид нь багийнхаа амжилтыг өөрчилж, өөрийгөө болон багаа дэлхий дахинаа алдаршуулах нь ч бий, ямар ч амжилт гаргахгүй мартагдах нь ч бий.

Ер нь багууд драфтаар шинэ тоглогч сонгоно гэдэг, ялангуяа эхний сонголтуудыг хийнэ гэдэг тун чухал, эгзэгтэй асуудал. Гэхдээ бас жил жилийн драфтууд өөр өөрийн онцлогтой байдаг. Зарим жил авьяаслаг залуус олноороо драфтад ордог бол заримдаа “60 чавганцаас” сонгох тохиолдол ч байдаг. Драфтын тэргүүн тоглогч сонгох эрхийг лоттеригээр тодруулдаг болсноос хойшхи эхний 3 байраар сонгогдсон тоглогчдыг та бүхэнд танилцуулъя.

Эдгээрээс хамгийн шилдэг гурвал нь аль бол?

Драфтад дээгүүр байр эзэлсэн тоглогч бүр сайн тоглож чаддаггүйг бид бүхэн 2006 (одоо хэлэхэд эртдэх ч ер нь Aндре Барньяни,  Адам Моррсион нараас ихийг хүлээх хэрэггүй биз ээ), 2003 (Дарко Миличич), 2000 (Стромайл Свифт,Дариус Майлз, мөн Кеньон Мартин ч багтана), 1998 (Mайкл Оловоканди, Раэф ЛаФренц), 1993 (Шон Брэдли), 1989 (Первис Эллисон, Денни Ферри), 1988 (Чарьлз Смит), 1987 (Деннис Хопсон), 1986 (Лен Биас, Крис Вашбурн) болон  1984 (Сэм Боуиэ – зураг дээрх) онуудын зарим тоглогчдын жишээнээс тодорхой харж болно.

Гэхдээ одоо эсрэгээр хамгийн сайн тоглосон, тоглож байгаа 10 драфтын эхний гурвалууд хэд хэдэн оных байв гэдгийг нэгэн аналист доорхи дарааллаар бичжээ.

1. 1984 - Номер 2-оор, бүр Майкл Жорданы өмнө сонгогдсон Сэм Боуиэ гэгч хэдийгээр ямар ч амжилт олоогүй ч тэр нь “Нисдэг хүн” болон Хакимийн гайхамшигт замналын гэрэл гэгээ, яруу алдрыг бүдэгрүүлж чадахгүй.
2. 1992 - Кристиан Лейттнер хэдийгээр тод томруун од болж чадаагүй ч “Бүх оддын тоглолт”-нд оролцоод амжсан нэгэн. Харин Шак болон Зо нар өөрсдийн цаг үеийнхээ шилдэг төвийн тоглогчид байлаа.
3. 2003 - ЛеБрон Жеймс тоглолт бүрт л агуу тоглогч шиг тоглогдог гэвэл хэтрүүлсэн болохгүй. Кармелогийн талбайн гаднах хэл ам, хэрэг төвөг нь түүний тамирчны амжилтаас ч илүү анхаарал татах нь бий. Харин Дарко Миличичийг Детройтод сонгогдохоос нь өмнө “залуу Уилт Чамберлин” гэж өргөмжлөөд байсан. Ер нь ЛеБрон найз Кармелогийнхоо ачааны талыг нь, “залуу Уилт” асны ачааг тэр чигээр нь өөр дээрээ үүрэн, 2003 оны драфтын эхний 3-ыг шилдгүүдийн тоонд багтааж чадаж байна.
4. 1997 - Тим Данкан, Чонси Биллапс нар 2-уулаа шигшээ тоглолтын MVP болсон бол Кейт Ван Хорн урт оймс, үсрэлттэй шидэлтүүдээ амжилттай болгодог байсныхаа ачаар өндөр цалин авч, их мөнгөтэй болсон.
5. 1996 - Энэ 3 шилдгүүдийн тоонд яах аргагүй орно. Эхнийх нь буюу Айверсон лигийн онооны 4 удаагийн аварга, лигийн үнэ цэнтэй тоглогч бол Кэмби нь “Оны шилдэг хамгаалан тоглогч”-оор шалгарсан. Шариф Абдур Рахим ч муугүй тоглогч байсан.
6. 1994 - Энэ 3-ын супер од байсан 2-т нь аваргын бөгж байхгүй. Гэхдээ л Кидд болон Хилл нар одоо ч багтаа чухал үүрэг гүйцэтгэсээр л явна. Гленн Робинсон тоглолт бүрт 20 оноо авч чаддаг тоглогч байсан. Харин 2005 оны аваргын төлөөх цувралд 0.7 оноо дунджаар авч, аваргын бөгжтэй болсон.
7. 2004 - Гол нь Дуайт Ховард өөрийн гурвалаа энд бичүүлж байна. Гэхдээ Окафор, Гордон нар лигийн сайн тоглогч нарын тоонд орох нь гарцаагүй.
8. 1999 - Брэнд, Барон Дэвис болон Стив Фрэнсис нар сагсан бөмбөгийн “Алдрын танхим”-д орохгүй л дээ. Гэхдээ л тэд дажгүй кареертай, тэр нь ч үргэлжилж байна.

9. 2007 - Кевин Дюрант супер од болох байх. Эл Хорфордод Хорас Грант шиг, бүр түүнээс илүү ч тоглогч болох бүрэн боломж бий. Грег Оден бүтэлгүйтлээ зогсоогоосой. Эсвэл Портлендийн бас нэгэн гайхамшигтай “муу сонголт” юм болов уу? (84 онд тэр Сэм Боуиэ гэдэг нөхрийг Жорданаас илүү гэж үзсэн) Өөдрөгөөр хандвал хэдэн жилийн дараа энэ 3 эхний хэдэд бичигдэх байх.
10. 2008 - Дерик Роүз, Майкл Бисли, О.Жей. Майо нарыг дор хаяж эхний 10-ын сүүлийн байрт бичигдэх боломжтой гэж үзэж.