Испаний “Эзэн хааны баг” Реал Мадрид Испаний цомын тэмцээний 1/16 шигшээ тоглолтонд 3-р дивизионы Реал Унион багт хожигдлоо.

Эхний тоглолт Реал Унионы талбайд болоход талбайн эзэд 3:2-оор хожиж шуугиан тарьсан ч хариу тоглолт байгаа тул санаа амраагүй байх. Реалын одод ч талбай дээрээ хожно гэдэгтээ итгэлтэй байсан биз. Гэвч “Сантьяго Бернабеу” цэнгэлдэхдээ ч Реал үүргээ биелүүлж чадсангүй. Хэдий Раул хет-трик хийж, 4:3-аар хожсон ч 2 тоглолтын нийлбэр дүн 6:6 болж, айлын талбайд олон гоол хийснээрээ 3-р дивизионы баг дараагийн шатанд шалгарлаа. Реал Унионы Ромо 90 дэх минутанд Дудекийн хаалгыг гоол хийснээр тоглолтын хувь заяаг шийдсэн юм. Магадгүй энэ гоол Ромогийн амьдралын хамгийн дурсгалтай гоол болон үлдэх байх.

Энэ хожигдол нь энэ улиралд нэг л өнгө муутай байгаа Реалын дасгалжуулагч Бернд Шустерт ирж буй шүүмжлэлийг ихээр нэмэх нь гарцаагүй.

“Би өөрийнхөө ирээдүйд нэг их санаа зовохгүй байна. Багийн амжилт, тоглолт тааруу байгаад манай тоглогчид буруугүй. Учир нь тэд маш их хөдөлмөрлөж, хичээж байгаа” гэж Шустер хэлжээ. Реалын хамгаалалт үнэхээр муу байгаа бөгөөд тэд сүүлийн 5 тоглолтондоо 12 гоол алдаад байна.

Реал Испаний цомд 1993 оноос хойш нэг ч удаа түрүүлээгүй хар түүх үргэлжилсээр.

Испанийн цом

1/16 шигшээ. Хариу тоглолт

“Реал” – “Реал Унион” – 4:3 (1:1)

Гоол: Рауль, 36, 50, 86. Буэно, 68 – Абасоло, 14. Сальседо, 49. Ромо, 90.

Эхний тоглолт: 2:3.