Сүүлийн үед сумогийн ертөнцийг донсолгоод байгаа Ваканохогийн дэгдээсэн яочо буюу найрааны асуудал нэг мөр боллоо. Тэр хэд хэдэн бөхчүүд найраагаар даваагаа авдаг хэмээн өмнө мэдэгдэж байсан билээ. Тэр өчигдөр хэвлэлийн бага хурал хийлгэж өөрийгөө худал ярьж байсан хэмээн мэдэгдлээ. Тэр хэлэхдээ”Миний найрааны талаар ярьсан зүйлд үнэн юм байхгүй ээ. Би сумод хайртай хэвээрээ л байгаа. Би бөхчүүдээс болон бусад хүмүүсээс уучлалт гуйж байна” гээд уйлсан аж. “Над руу нэг хүн утасдаж хэрвээ чи найрааны тухай хэлбэл сумодоо долоо хоногийн дараа л эргээд орно гэж хэлсэн. Би түүнд итгэсэн. Энэ тухай ярилцлага өгч хэлсний дараа тэр хүнээс 2,500,00 иен авсан” гэж хэлж. Түүнийг хэн болохыг асуухад тэр хүний амьдрал болон, гэр бүлд санаа зовж байгаа учраас хэлэхийг хүсэхгүй байна хэмээн мэдэгджээ. Ийнхүү манай сумочид ч нэр холбогдоод байсан асуудал шийдэгдлээ.