2009 оны бартаат замын мотоциклийн Азийн АШТ-ий нэгэн гараа Монгол улсын нийслэлд явагдахаар болжээ. Улиран одож буй 2008 онд нийлбэр дүнгээр Азийн аварга цол хүртсэн ОУХМ Э.Халиунболдод нутгийн замд аваргаа хамгаалах сайхан боломж ийн тохиов.

2009 оны Азийн АШТ дөрвөн гараанаас бүрдэх бөгөөд мотоциклчид гуравдугаар сарын 1-нд Филиппиний Пуэрто-Принцеса, зургадугаар сарын 15-нд Ираны Тегеран, долдугаар сарын 4-5-нд Монголын Улаанбаатар, наймдугаар сарын 31-нд Индонезийн Жакартад тус тус уралдана.