Сүүлийн 2 улиралд ихээхэн тогтворгүй тоглож байгаа Арсенал солилцоо наймаанд идэвхтэй оролцох төлөвтэй. Залуу тоглогчдыг авьяасыг нээн илрүүлж, алдрын замд хөтөлдгөөрөө зартай Арсен Венгерийн сонирхлыг 2 тоглогч ихээр татаж байгаа гэнэ.

Италийн АС Миланы Бразил довтогч Алешандро Пато, АС Ромагийн Франц хамгаалагч Филипп Мексес нар Венгерийн “овоо хараанд” өртжээ. Чухам энэ 2 л Арсеналын амжилтын үндэс болно гэж бодож байгаа бололтой, Арсен Венгер.

Пато өнгөрсөн жил Миланд нэгдсэн бөгөөд авьяас, ур чадвараараа хэний ч дор орохгүй нь тодорхой. Харин Венгер түүнийг супер од болгож чадах юм байх. Тьерри Анриг Ювентуст будилж явахад нь Венгер багтаа авч, дэлхийн хэмжээний тоглогч болгож байсан цаг саяхан.

У.Галлас багтайгаа асуудал үүсгэж, Арсеналд удахгүй шинжтэй болсон тул Венгер Мексесийг мөн сонирхож. Түүнийг Фердинанд шиг стилийн тоглогч гэж үзэж байгаа юм байна.