“Спортын цонх”-ын хамт олон гэж спортод дуртай, спортод хайртай залуус бий. Тэд зөвхөн спорт гэсэн нэрийн дор нэгдэж бий болсон хамт олон. Тэгвэл тэднийг зөвхөн спорт сонирхдог гэвэл өрөөсгөл болно. Тэд тус тусын ажил мэргэжлээрээ үйл ажиллагаа явуулж өөр өөрийн хоббигоороо дуртай зүйлсээ хийдэг ийм залуус. Тэгвэл бусад салбарт ч амжилт гаргадгийн хоёр ч нотолгоо энэ хоёр өдөр боллоо.

Миний Компьютер сэтгүүлээс санаачлан Мэдээлэл Харилцаа Холбоо Технологийн Газар, Мидас Монита ТББ, Мэдээлэл Технологийн Үндэсний Паркаас хамтран зохион байгуулсан “Мэдээлэл Холбооны Шилдэг Сонголт 2008” уралдааны Шилдэг Хувь Хүний Блог вэбсайт төрөлд манай нийтлэлч Г.Хантулгын  вэбсайт ялагч боллоо. 2000 оноос сонирхлоороо хийж эхэлж байсан жижиг хуудас нь өнөөдөр ийнхүү шилдэг блог болон хөгжиж чадсан нь цаашид ихийг хийх урам зориг өгч буй бизээ.

Зөвхөн Г.Хантулга шагнуулаад байсангүй ээ. Манай нийтлэлч Г.Ганхүү ч өөрийнхөө авьяасыг олонд таниулаад авлаа.

image.mn, Гамма агентлаг хамтран зохион байгуулсан “Монгол төрх-2008″ оны шилдэг гэрэл зураг шалгаруулах уралдаанд манай Г.Ганхүүгийн дарсан  хөрөг зураг, байгалийн сэдэвтэй Хөвсгөл далайн зураг шалгарч шагнуулжээ.