Эртнээс нааш Аргентин улсыг гайхамшигт хөлбөмбөгчид нь чимсээр ирсэн. Тэдний авьяаслаг хөвгүүд нь дэлхий даяар ур чадвараа гайхуулан ,хөлбөмбөгийн ид шидийг бүтээж байдаг. Ийм улсын лиг гайхалтай болохгүй гээд яах вэ. Аргентиний лиг нь бидний мэдэх европын хөлбөмбөгийн системээс огт өөр дүрмээр явагддаг бөгөөд жилд 2 удаа аварга тодордог.
Эхний аварга нь 6 сард тодордог бөгөөд үүнийг Клаусура буюу Хаалтын лиг , удаахь нь Апертура буюу нээлтийн лиг. Өнөөдөр ‘Нээлтийн лигийн’ аварга баг тодорсон бөгөөд энэ жилийн Апертура тун сонирхолтой өрнөлөө.  19 -н тойргийн дараах байдлаар гурван баг 39 оноотой тэнцсэн бөгөөд энэ тохиолдолд гоолын зөрүү юм уу , хоорондоо хэрхэн тоглосныг хардаггүй харин нэмэлт тоглолт явуулдаг дүрэмтэй. Энэ дүрэм ёсоор Сан Лорензо , Бока Хуниорс , Тигре багууд тойргоор тулалдаж аврагыг тодрууллаа.
Ингээд та бүхэнд эдгээр тулаануудын үр дүнг танилцуулья

	Тигре	1 – 2	Сан Лорензо
	Лаззаро  76′		Барриентoс 18′ Бергессио 20′

	Сан Лорензо	1 – 3	Бока Хуниорс
	Солари 61′		Виатри 45′ Паласио 77′ Чавез 90′

	Бока Хуниорс	0 – 1	Тигре
			Лаззаро  68′

Карлос Ишиа -р удирдуулсан Бокачууд плеи-офф шатанд тун азтай байдлаар түрүүлсэн бөгөөд эхний тоглолтдоо өрсөлдөгчөө 3 гоолоор ялсан нь тэдний түрүүлэхэд их нөлөөлсөн. Сүүлийн тулаандаа Бока тун хайхрамжгүй үзэж  1 : 0 -р ялагдсан ч гоолын зөрүүгээр (+1 бөмбөгөөр) илүү гарч Апертура лигийн аварга болсон байна.

Родриго Паласио , Хуан Роман Рекиулме тэргүүтэй Бока Хуниорсчууд ялалтын баяраа олон мянган фенүүдтэйгээ тэмдэглэсэн бөгөөд энэ түрүү нь клубын түүхэн дэх 23 дахь цом нь аж.

Энэ жилийн Апертура лигийн мэргэн буучаар Ланис багийн 28 настай довтлогч Жосе Санд 15 гоолтой шалгарсан бөгөөд араас нь Мартин Морел (Тигре) 31 гоолтой  ,Эстибиан Фуэртес (Колин) , Мауро Боселли (Эстүдиантес) хоёр 11 гоолтой удаад нь оржээ.