Өнгөрсөн амралтын өдрүүдэд болсон Английн Премьер лигийн 20-р тойргийн тоглолтуудтай холбоотой зарим статистикуудаас сонирхуулъя.

Премьер лигийн 21-р тойргийн тоглолтууд ирэх 7 хоногийн амралтын өдрүүдэд үргэлжлэн явагдах бөгөөд энэ амралтын өдрүүдэд ФА-ын цомын тоглолтууд болох юм.

0 – Болтон болон Уиган клубууд хоорондоо хэзээ ч 0:0-ээр тэнцэж байгаагүй юм байна. 20-р тойрогт Амир Закигийн гоолын ачаар Уиган 1:0-ээр хожжээ.

2 – Вест Бромвич баг Тоттенхэмийн эсрэг хийсэн сүүлийн 12 тоглолтныхоо 2-т нь л хожил авлаа.

4 – Вест Хэм өөрийн Аптон Парктаа хийсэн сүүлийн 4 тоглолтныхоо анхны гоолыг оруулжээ.

6 – Ливерпуль Ньюкаслыг талбайд нь 5:1-ээр хожсоноор талбайдаа 6 тоглолт дараалан хожигдоогүй байсан “Шаазгай”-нуудын амжилтыг зогсоов.

8 – Фулхэм болон Ливерпуль клубууд одоогоор Премьер лигт хамгийн удаан буюу 8 тоглолт дараалан хожигдоогүй явна.

11 – Блэкберн Манчестер Ситид 11 тоглолт дараалан хожигдоогүй явна. Блэкберн дээрх 11 тоглолтынхоо 5-д нь хожиж, 6-д нь тэнцжээ.

18 – Арсенал Портсмутын эсрэг 18 тоглолт дараалан хожигдоогүй байна. 10 хожил, 8 тэнцээ.

18 – Рики Сбрагиа Сандерландтай 18 сарын гэрээ хийжээ.

20 – Челси Премьер лигт 2007 оны 12 сарын 23-наас хойш 20 тоглолт дараалан айлын талбайд хожигдоогүй байна.

25 – Вест Хэм Сток Ситиг лигт 25 дахь удаагаа хожжээ.

50 – Манчестер Юнайтед Мидлсброг лигт 50 дахиа хожлоо. Нийтдээ 101 тоглосон юм байна.

50 -Портсмут Арсеналыг лигт 50 жил хожиж чадаагүй явна. Хамгийн сүүлд 1958 оны 3 сарын 29-нд хожиж байсан байна.

100 -Дирк Кюйт Ливерпулын гарааны бүрэлдэхүүнд 100 дахиа гарлаа.

150 – Стефен Уорнок лигт 150 дахь удаагаа гараанд гарчээ. (Ливерпуль, Брэдфорд Сити, Ковентри болон Блэкберн багуудын бүрэлдэхүүнд).