Сагсан бөмбөгийн “Мөнгөн цагариг” клубээс жил бүр уламжлал болгон зохион байгуулдаг сэтгүүлч, хэвлэл мэдээллийн ажилтнуудын сагсан бөмбөгийн аварга шалгаруулах тэмцээн энэ сард зохиогдохоор болжээ . Нэгдүгээр сарын 20-24-ний өдөр болох уг тэмцээнд телевиз болон сонины сэтгүүлч, сурвалжлагч, инженер, техникийн ажилтнууд бүгд оролцох боломжтой ба шагналын сан нэг сая төгрөг гэнэ. Энэхүү тэмцээнийг найм дахь жилдээ явуулж байгаа бөгөөд Худалдаа хөгжлийн банкны хамт олон найман жил дараалан ивээн тэтгэж байгаа юм.

“Спортын цонх” сэтгүүлийн залуучууд энэхүү тэмцээнээс өмнө хошой алт, нэг хүрэл медалийг өмнө нь хүртэж байв.