Өнөөдөр НБА-д 8 тоглолт болсноос өнгөрсөн улирлын финалд үлдсэн 2 баг 2-уулаа хожигдов. Лос Анжелес Лейкерс талбай дээрээ Нью-Орлеанс Хорнетст хожигдсоноор тэдний талбай дээрээ 15 хожсон цуврал зогслоо. Бостон харин Шарлоттыг барсангүй.

“Шарлотт” – “Бостон” – 114:106 ОТ (28:23, 25:24, 19:25, 25:25, 17:9).

Ш: Фелтон – 25. Уоллос – 23. Аугустин – 20.

Б: Пирс – 28. Аллен – 20. Рондо – 16.

19 дараалсан хожил, 27-2 рекордоосоо хойш Бостон Селтикс огт өөр баг мэт болчихлоо. Тэд сүүлийн 7 тоглолтынхоо 5-д нь хожигдоод байна. Өнөөдөр л гэхэд лигийн хамгийн муу довтолгоонтой баг Шарлоттод хожигдов.

Шарлоттын хамгаалагч Рэймонд Фелтон 25 оноо авч багаа тэргүүлсэн бол бусад тоглогчид нь ч жигд сайн тоглов. Багийн хувьцаа эзэмшигч Майкл Жордан тоглолтыг үзсэн бөгөөд ихэнх хугацааг шүүгч Дик Баветтайтай хэрэлдэж өнгөрөөсөн байна.

“Оклахома” – “Нью-Йорк” – 107:99 (35:23, 28:27, 28:29, 16:20)

О: Дюрант – 27 оноо + 12 самбар. Грин – 27. Уэстбрук – 22 + 9 дамжуулалт.

Н: Харрингтон – 21. Духон – 18. Ли – 14.

Оклахома ийн сүүлийн 3 тоглолтноос 2 дахь хожлоо авлаа. Хэрэв Кармело Энтони 0.1 секунд үлдээд байхад амжилттай шидээгүй бол Тундер 3 дараалж хожих байж. Нэг оны драфтынхан болох Кевин Дюрант, Жефф Грин нар адилхан 27 оноогоор багаа тэргүүлсэн байна.

Харин Никсийн довтлогч Дэвид Ли энэ улирлын 20 дахь дабл-даблаа хийжээ. Никсийн Эдди Курри энэ долоо хоногт ямар ч гэсэн тоглож эхлэх нь. Тундерийн шинэ сонголт Ненад Крстич ч дараагийн тоглолтонд оролцож магадгүй.

“Даллас” – “Клипперс” – 107:102 (37:24, 27:30, 23:30, 20:18)

Д: Новицки – 34. Ховард – 22. Басс – 13.

К: Гордон – 32. Торнтон – 25 + 8 самбар. Коллинз – 17.

“Мемфис” – “Миннесота” – 87:94 (23:31, 16:14, 29:27, 19:22)

Мем: Уорри – 22. Майо – 20 + 8 самбар. Газоль – 13.

Мин: Фойе – 23. Жефферсон – 19 + 12 самбар. Смит – 15.

Миннесота Тимбервульвс сүүлийн 2 жилийн хамгийн урт хожлын цувралаа хйиж байна. Тэд 3 дараалж хожлоо. 2007 оны 1 сараас хойш анх удаагаа ийм амжилт үзүүлж байгаа юм байна.

Мемфис энэ улиралд Миннесотад 2 хожигдсон лигийн ганц баг болж байна.

“Лейкерс” – “Нью-Орлеан” – 105:116 (26:32, 30:29, 36:28, 13:27)

Л: Брайант – 39. Фишер – 19. Одом – 12.

Н: Уэст – 40 + 11 самбар. Пол – 32 + 15 дамжуулалт. Чандлер – 12 + 8 самбар.

Нью-Орлеанс 4-р үед өрсөлдөгчөөсөө 14 оноо илүү авснаар Лейкерсийг талбайд нь хожлоо. Лейкерсийн талбай дээрээ 15 дараалан хожоод байсан цуврал зогсдог нь харамсалтай.

Хорнетсийн Дэвид Уэст нийт авсан 40 онооныхоо 15-ыг нь төгсгөлийн үед авч, багийнхаа хожилд гол үүрэг гүйцэтгэлээ.

Харин Коби Брайант хэдий 39 оноо авсан ч сүүлийн үед ердөө 2-хон оноо авсан байна. Лейкерсийн амжилт 27-6 болж, Кливлендийнхтэй тэнцлээ. Эдгээр багууд лигийг одоогоор тэргүүлж байна.

“Орландо” – “Вашингтон” – 89:80 (30:24, 16:6, 24:33, 19:17).

О: Туркоглу – 22 оноо. Ховард – 15 + 16 самбар. Нельсон – 14.

В: Батлер – 29. Жэймисон – 13. Сонгаила – 8.

Кэрон Батлер зөвхөн 3-р үед 21 оноо авсан ч шийдвэрлэх 4-р үед тийм ч сайн тоглосонгүй, Визардс ээлжит хожигдлоо Орландогоос авлаа. Орландогийн Дуайт Ховард 15 оноо, 16 самбараас аван, энэ улирлын 25 дахь дабл-даблаа хийв.

Мэжик маргааш Атлантатай талбайд нь тоглох бөгөөд Хоукс талбай дээрээ Орландог сүүлийн 7 тоглолтоос 6-д нь хожоод байгаа.

“Филадельфи” – “Хьюстон” – 104:96 (24:27, 29:28, 26:16, 25:25).

Ф: Игудала – 28. Спейтс – 15. Уильямс – 15.

Х: Скола – 18 + 17 самбар. Макгрейди – 14 + 9 передач. Мин – 14. Вафер – 14. Лэндри – 14.

Филли зочлон тоглолтнуудаасаа эргэн ирээд талбай дээрээ Рокитсыг Андре Игуодалагийн сайн тоглолтын хүчинд хожлоо. Өмнөх 2 тоглолтондоо тэд Даллас, Сан-Антионод талбайд нь хожигдсон бөгөөд 6 зочлон тоглолтынхоо 5-д нь хожигдсон болно.

Харин Рокитс 2004 оноос хойш анх удаагаа айлын талбай дээр 5 дараалан хожигдлоо. Мөн энэ улиралд анх удаагаа 3 дараалан хожигдож байна.

Филлигийн хамгаалагч Андре Миллер улирлын тоглолтонд хийсэн оновчтой дамжуулалтынхаа тоогоор алдарт Ларри Бёрдыг гүйцэн, 32-р байранд бичигдэж эхэллээ.

“Чикаго” – “Сакраменто” – 99:94 (22:23, 27:19, 26:25, 24:27).

Ч: Гордон – 24. Гуден – 18 + 10 самбар. Роус – 16.

С: Мартин – 29. Миллер – 18 + 12 самбар. Сальмонс – 12.

Бен Гордон 24 оноо авч багаа тэргүүлэн Чикаго Буллз Сакраменто Кингзийг 99:94-өөр хожиж, 3 дараалсан хожигдлоо зогсоолоо. Мөн гэмтлээсээ эргэн ирсэн Дрью Гуден 18 оноо авч багийнхаа хожилд том нэмэр болов. Ингэснээр Чикаго 15-20 амжилтаар бүсдээ 9-д бичигдэж байна.

Зүүн шагайны гэмтлийн улмаас 6 тоглолт өнжөөд байгаа Луол Денг Баасан гаригт Вашингтоны эсрэг тоглолтонд оролцоно гэдэгт итгэж байгаагаа Буллзын дасгалжуулагч Винни Дель Негро илэрхийлжээ.