Дэлхийн аварга шалгаруулах тэмцээний хошой мөнгөн медаль, Дэлхийн цомын хүрэл, Азийн аварга Ооска нэрээрээ олонд авгайлагдсан Монгол улсын гавьяат тамирчин О.Пүрэвбаатар их спортоосоо зодог тайлах ёслолоо 1 сарын 10-ны өдөр Спортын Төв Ордонд хийхээр болжээ. Хэдийгээр тэр дэвжээн дээр гарахаа болиод удаж байгаа ч албан ёсоор зодог тайлж дасгалжуулагчийн ажил руу шилжиж байгаагаа ийнхүү зарлах гэнэ. Түүний нэрэмжит тэмцээний үеэр энэхүү ёслол болох бөгөөд түүнтэй нэг жинд өрсөлдөж байсан, түүнтэй шигшээ багт хамт барилдаж байсан хүмүүс, багш нар нь, түүнийг ивээн тэтгэж байсан хүмүүс гээд олон зочид ирэх аж.