Фанатуудын дунд хамгийн их маргаан дэгдээдэг асуулт  бол аль нь шилдэг вэ ? гэсэн асуудал.  Хүн бүр өөрийн дэмждэг тоглогч , клуб , шигшээгээ бусдаас илүү хэмээн үзэж , үүнийгээ нотлохыг оролддог нь нууц биш. Тэгвэл Хөлбөмбөгийн түүх , статистикийн олон улсын холбооноос (The IFFHS) саяхан дэлхийн тэргүүлэх лигүүдийг жагсаасан байна. Эхний байранд мэдээж Будант Альбионы премьер лиг орлоо. Хамгийн их үзэгчтэй , хамгийн их хөрөнгө мөнгө эргэлддэг , хамгийн хурдтай гээд энэ лигийг онцлох зүйл их. Дээрээс нь сүүлийн хэдэн жил европт байтугай дэлхийд ‘доминантлаж байгаа Челси , Ливерпуль , МанЮ , Арсенал гээд  шилдэг клубуудынх нь амжилт энэ жагсаалтын тэргүүнд бичигдэхэд нөлөөлсөн бизээ.
Харин  өнгөрсөн жил жагсаалтын хоёрт бичигдэж байсан Ла лига бүр 4-р байр луу унасан нь сонирхол  татаж байна. Хэдийгээр лигийн өрсөлдөөн чангарсан ч  , европын тавцанд амжилт гаргаагүй нь үүнд нөлөөлсөн бололтой. Ялагдашгүй Армадагийнхан 2007 онд авч байсан онооноосоо даруй 120 гаруйгаар багыг өнгөрсөн  онд  авсан нь үүнийг нотлох мэт.
Тэдэнтэй адил хувь заяа ч Бундеслигийг дайрчээ. Доод лигээс гарч ирсэн Хоффенхэйм хэмээх тосгоны баг ид шуугиулж , эхний таван байрийг нь ердөө гуравхан оноо зааглаж байгаа ч IFFHS-с
Германы лигийг 5-р байр луу ухраасан байна. Шалтгааныг нь дээрхтэй адил дүгнэж болох юм. Мөн Бундеслигийн багууд зун томоохон арилжаа хийж , мөнгө зараагүй  нь ч дээрхи жагсаалтанд нөлөөлсөн мэт.

Одоо 2-р байранд орсон лигийн талаар ярилцья. Тиймээ энэ бол Сери А. Нэгэн цагт бага дэлхийн аварга гэгдэж байсан алдарт Калчио -н нэр хүнд эргэн сэргэлээ. Зуны наймааны цонхоор Италид ирсэн шижигнэсэн залуучууд одоо юу чаддагаа харуулж байна. Үргэлжид томчуудын сүүдэрт дарагдаж ирсэн Наполи , Лацио , Фиорентина зэрэг клубууд илт хүчирхэгжин лидерүүдийг сандаргах болжээ. Аваргуудын лигт өрсөлдсөн 4 багын хоёр нь хэсгээ тэргүүлж , УЕФА -н цомд ч өрсөлдсөн багууд бүгд плеи-оффт шалгараад байна. Энэ эрчээр форза Калчио !

Харин доорхи жагсаалтаас хамгийн их анхаарал татаж буй нь Аргентиний лиг. Нэр хүнд , цар хүрээгээрээ  Европын лигүүдтэй эн зэрэгцэхгүй нь хэнд ч ойлгомжтой атал яагаад 3-т багтаасан нь сонин юм. Магадүй өнгөрсөн онд Аргентиний багуудын CONEMBOL бүсдээ гаргасан амжилтыг нь харгалзан үзсэн байх.
Хөлбөмбөгийн хөгшин тивдээ  бас ч гэж муугүйд тооцогддог Голланд , Шотландын лигүүд эхний 10-т багтаагүй нь IFFHS-нхэн нилээдгүй хатуу шалгаруураар энэ жагсаалтыг гэж бодогдуулж байна.
Гэхдээ энэ бол ердөө л нэгэн холбооны гаргасан жагсаалт шүү дээ. Тэдний юу гэж дүгнэсэн ч фанат хөгжөөн дэмжгчид өөр өөрийнхөө лигийг дэмжиж , өөрсдийн дүгнэлтээ хийнэ бизээ.

The IFFHS Top 10

1. Barclay’s Premier League (England)
2.   Serie A (Italy)
3.   Primera Division Argentina
4.   La Liga BBVA (Spain)
5.   Bundesliga (Germany)
6.   Ligue 1 (France)
7.   Brasileiro Serie A (Brazil)
8.   Primera Division de (Mexico)
9.   Liga Sagres (Portugal)
10. Ukraine Premier League