Манчестер Юнайтед болон Португалыг шигшээ багийн жигүүрийн довтлогч, 2008 оны “Алтан бөмбөг” шагналын эзэн Криштиану Роналду автомашины осолд оржээ.

Манчестерийн онгоцны буудлын хажуудах тунельд Роналду “Феррари”-гаа хөлөглөж яваад осолд орсон байна. Түүний унаж явсан “Феррари” хэрхэн “будаа” болсныг зураг дээрээс та бүхэн харж байгаа байх. Харин азаар мань хүн өөрөө огт гэмтэл аваагүй бөгөөд ослын дараа зүгээр алхаж байсан төдийгүй өнөөдрийн бэлтгэлдээ хүртэл оролцсон байна. Осол болох үед тэр ганцаараа явж байжээ.