Өнөөдөр НБА-д 2 тоглолт боллоо. Дирк Новицки сайн тоглоогүй ч Жейсон Киддийн туршлагаар Даллас Нью-Йоркийг хожлоо.

Даллас талбай дээрээ Никсийг ийнхүү 9 дараалан хожиж байна. Хамгийн сүүлд 1999 оны 12 сарын 16-нд л Никс Далласт хожил авч байж.

Уг нь энэ тоглолтонд Никс дажгүй л тоглосон ч төгсгөл муу хийлээ. Ялангуяа Крис Духон эхний хагаст 9 довтолгооноо бүгдийг нь амжилттай болгож 22 оноо авсан ч 2-р хагаст ердөө 2-хон оноо авсан байна. Харин Нэйт Робинсон холын зайн 9 шидэлтийнхээ ганцыг нь л оновчтой болгожээ. Тэрээр сүүлийн 5 тоглолтонд холоос 30 шидэж 3-г нь л хийсэн байна.

Улирлын эхний 33 тоглолтыг өнжсөн Эдди Карри өнөөдөр Далласын эсрэг тоглолтонд оролцсоноор энэ улирлын анхны тоглолтоо хийжээ.

Даллас 22-13 амжилтаар бүсдээ 5-д бичигдэж байна. Харин Никс 13-21 амжилттайгаар бүсдээ 12-т бичигдэж байна.

Тим Данкан энэ тоглолтонд байхгүйтэй адил байсан ч Спэрс Клипперсийг хялбар хожлоо. Ийнхүү Клипперс 9 дараалан хожигдож байна. Харин Спэрс сүүлийн 10 тоглолтноос 9 дэх хожлоо авлаа.

Данкан улирлын тоглолтонд 20-оос дээш минут тоглосон л бол өмнө нь хэзээ ч 10-аас доош оноо, 5-аас бага самбараас авалт хийж байгаагүй юм байна. Өнөөдөр тэрээр 31 минут тоглохдоо 8 оноо, 4 самбараас авалт авсан байна.

“Даллас” – “Нью-Йорк” – 99:94 (27:29, 27:30, 26:19, 19:16)

Д: Ховард – 19 оноо. Кидд – 16. Басс – 12 + 11 самбар.

Н: Дюхон – 24. Чендлер – 20. Ли – 13 + 15 самбар.

“Сан-Антонио” – “Лос-Анджелес” – 106:84 (16:22, 27:22, 32:25, 31:15)

С: Паркер – 19. Мэйсон – 18. Финли – 15.

Л: Торнтон – 21. Гордон – 21. Коллинз – 16.