Мэргэжлийн теннисний ертөнцийн хамгийн том тэмцээн болох Их Дуулгын цувралын эхний шалгуур эхлэхэд хэдхэн хоног дутуу байна. Хүн бүр өөрийн дэмждэг ,шүтдэг  тамирчдаа балиашиглаж , амжилт хүлээж суугаа энэ үед  Британи эр Эндиг аваргална гэх хүмүүс эрс олширчээ. Шалтгаан нь ойлгомжтой. Түүний гайхалтай тоглолтууд. Оны эхэнд Абу Дабин үзэсгэлэн яармагт Рожер , Рафа -г дараалан ялахад нь , чухал тэмцээн биш болохоор тэд хүчээ гаргасангүй гэх улс байсан. Тэгвэл Катарын опенийг юу гэх вэ. Хагас шигшээд Федерерийг гуравхан сэтэд буулган авч , финалын тулаанд Энди Роддикийг ‘юм болголгүй’ 6-4, 6-2 -р ялчихлаа. Эндээс харахад Мельбурнд түүнийг ялна гээд бооцоо тавьчихад , алдах магадлал бага юм шиг л харагдаж байна.
‘Абу Дабид ялсан эрч хүч маань сулраагүй л байна , гэхдээ би хамгийн сайн тоглолтоо гаргасангүй. Сайн формондоо орчихвол хэнийг ч , хаана ч ялж чадна. Өнгөрсөн жилийн Их Дуулгаас би олон зүйл суралцсан , тиймээс алдаагаа давтахгүй гэдэгтээ итгэлтэй байна’ хэмээн тэрээр ярьжээ. Түүнд ялагдсан Роддик ‘ Би өөрийгөө муу байсан гэж хэлэхгүй ,чадлаараа л тэмцсэн , тэр яг одоо топ формондоо байна , цохилтууд нь үнэхээр хүчтэй байсан болохоор хүлээж авахад их хүндрэлтэй байлаа’ ‘Миний гол зорилго бол Авсралийн нээлттэй тэмцээн , тэнд миний хэн гэдгийг хараарай ‘ гэжээ. ‘Хэдийгээр ялагдсан ч Роддик  $96,000 халаасалсан , харин Мюррэй хоёр дахин их буюу 183,000 -г Дохагаас олжээ’.
Тэмцээний хос төрөлд Испаний хослол Марк Лопез , Рафаель Надаль нар аваргалсан байна.