БНХАУ-ын Кун Мин хотноо зохиогдсон мэргэжлийн муай тай боксын тэмцээнд “Чоно” корпорацийн “Мишээл” кик бокс төвийн тамирчид оролцоод ирлээ. 48 кг Б.Мягмарсүрэн Филиппин улсын тамирчин Руай Вильмстэй таван үеийн турш ширүүн өрсөлдөж нэг онооны зөрүүгээр ялагдав. Түүний өрсөлдөгч рингэнд нийт 72 удаа тулалдсан бол манай хүн 3 дахь тулаанаа хийж байгаа нь энэ. 57 кг өрсөлдсөн Н. Ариунболд Малайз улсын тамирчинтай өрсөлдөж 2-р үед түүний өвдөгтэй мөргөлдөж хүнд байдалд орж ялагдал хүлээж цаашид юу хийхээ сайн ойлгож авсан. 60кгд Ө.Төрбаяр Испани улсын тамирчин Оливера Александартай тун сайхан өрсөлдөж үзэгчдийг таашаалыг хүртсэн юм Тэрээр тулааны нэг дүгээр үед өрсөлдөгчийнхөө толгойг тохойлдож цусыг нь асгаруулаад авсан боловч Испани тамирчин тун тэвчээртэй өрсөлдөж тулааныг тэнцүүлж чадав.

Ийнхүү Монголын муай тайн тамирчид сурсан мэдсэн зүйл, амжилтаар арвин тэмцээнээс ирлээ.