Тэмцээний 2 дэх тойргуудын дүн:

Эрэгтэй.

4 хэсгээс шалгарсан 8 баг дахин 2 хэсэгт хуваагдан тоглосон. Эхний хэсэгт МҮОНРТ, Спортын цонх, Боловсрол суваг багууд гурвуулаа ТМ телевизийг хожсон ч хоорондоо тоглохдоо гурван биенээ дэрлэсэн. Ингээд бөмбөгний зөрүүг тоолоход

Боловсрол суваг нэгээр, хоёроор Спортын цонх шалгарсан юм.

Нөгөө хэсэгт бүх 3 өрсөлдөгчөө хожиж, 6 оноо авсан С1 телевиз тэргүүлсэн. Удаад нь 2 хожилтой Ийгл телевиз орлоо. Тв5 телевиз 1 хожлоор 3-т орсон бол ТВ9 телевиз нэг ч хожилгүйгээр хэсэгтээ хомоол хамлаа.

Хасагдах шатанд ингээд Спортын цонх – С1 телевиз, Боловсрол суваг – Ийгл телевиз гэж таарлаа. Хожсон 2 нь аваргын төлөө өрсөлдөх юм.

Эмэгтэй.

Эмэгтэйд 6 баг шалгарсан. Эхний хэсэгт багтсан 3 багаас МҮОНРТ өрсөлдөгч багуудаа хожсоноор хэсгээ манлайлсан. ТМ телевиз 1 хожлоор хоёрт орсон бол Өнөөдрийн монгол сонин 3-т орсон.

Дараагийн хэсэгт МН Групп мөн 2 хожлоор тэргүүлсэн бол 2-т Ардчилал сонин, 3-т Ийгл телевиз орлоо.

Яг одоо энэ цаг мөчид эмэгтэй багуудын хасагдах шатны тулаан болж байна. Эцсийн дүнг орой оруулах болно.