2009 оны 1 сарын 24 нд Ван Дер Ваарт Реал Мадридын сүүлийн үеийн байдлын талаар Испанийн нэгэн радиод ярилцлага өгснийг хүргэж байна.

Танай баг сүүлийн таван долоо хоногийн турш сайн байж олон хожил авч чадлаа. Нууц нь юундаа байна вэ?

Гол нууцыг нь бүгд л мэдэж байгаа шүү дээ. Бид өдөр болгон бэлтгэлээ илүү сайн хийж, тоглолт бүрийн дараа хэрхэн сайжирч байгаагаа мэдэрч байна.  Хамгийн гол нь нэг баг шиг тоглох нь л чухал.

Та Осасунагийн эсрэг гоол оруулах шахсан. Ер нь тоглолт ямар болсон бэ?

Би өөрийгөө дажгүй тоголсон гэж бодож байна.  Тоглолтын дараа надад маш сайхан мэдрэмж төрж байлаа. Ийм зүйл мэдрээгүй нилээд хэдэн долоо хоног болсон байсан юм. Ер нь л хэцүү тоглолт болсон ч бид хожил авч чадсан.

Эдгээр дөрөв дараалсан хожил та бүгдийн өөртөө итгэх итгэлийг улам нэмэгдүүлж байгаа байхдаа?

Бид хожно, ялна дийлнэ гэсэн хүсэл бодол, итгэл найдвараа хэзээ ч алдаж болохгүй.  Бид бүгд Барселонаг оноо алдаж байж бидэнд боломж гарна гэдгийг мэдэж байгаа. Гэхдээ юу болохыг хэн ч мэдэхгүй шүү дээ. Тиймээс өөрсдийнхөө тоглолтонд л гол анхаарлаа хандуулах чухал.  Хүлээгээд  харж л байя.

Лигийн сүүлийн хагасын эхний тоглолтонд та Депортивотой тоглох гэж байна. Тоглогчид Риазорт хожигдсон хариугаа авахыг хүсэж байгаа нь мэдээж биз?

Тийм. Бид хожно гэж бодож байна.  Гэхдээ би Риазорт болсон тоглолтонд оролцож чадаагүй юм. Учир нь би өмнөх тоглолтонд нь улаан хуудас авчихсан байсан.

Үлдсэн тоглолтуудыг та хэрхэн төсөөлж байна?

Би илүү их минутыг талбай дээр өнгөрөөж, багийнхаа чухал тоглогч байхыг хүсэж байна.  Бид бүгд өдөр бүр маш эрчимтэй бэлтгэл хийж байгаа. Учир нь бид бүхэн энэ улирал цом авахыг хүсэж байна.

Багийн сүүлийн үеийн амжилтын нэг гол хүчин  зүйл нь өөртөө итгэх итгэл биз?

Мэдээж шүү дээ.  Энэ бүгдийг та манай тоглолт бүрээс л харж болно.

Та энд ирээд таван сар л болж байна. Гэхдээ олон нөхцөл байдлыг үзлээ. Энэ бүгдийн талаар?

Манай баг сайжирсаар л байна.  Бид Шустертэй улирлыг сайн эхлүүлсэн боловч  удалгүй бүх зүйл төвөгтэй болоод ирсэн. Гэхдээ байдал одоо эргээд сайжирч байна.

Сүүлийн саруудад яг юу сайжирсан бэ?

Тийм, ийм гээд яг хэлчих хэцүү байна. Гэхдээ миний бодлоор хамгаалалт байх. Одоо бүх багаараа хамгаалалтандаа анхаарал тавьж байна. Бид улирлын эхэнд 4-3, 4-2 гэсэн оноогоор хожил авч байлаа. Бид олон гоол алдаж байсан.

Та дөрвөн тоглолтонд дөрвөн гоол оруулаад улирлыг сайхан эхэлсэн. Гэвч…?

Би багийнхаа бусад тоглогчидын адил улирлыг сайн эхэлсэн. Гэхдээ эхнэр маань Германд, би энд буудалд амьдарсаар байсан. Гол нь тоглолтондоо төвлөрөхөд хэцүү байсан юм. Одоо бүх зүйл сайжирч, би гэр бүлийнхээ хамт энд, гэртээ байна.

Таны Испани гарал шинэ багт, шинэ оронд дасахад тус болж байна уу?

Тийм шүү. Шинэ багт, шинэ оронд дасахад үргэлж хэцүү байдаг бол би энд маш сайхан, жаргалтай амьдарч  байна. Ганц бэрхшээл нь хэлний асуудал. Гэхдээ  би хурдан сурахыг хичээж, зарим өдөртөө ганцаарчилсан хичээл заалгаж байгаа.  Би Англи болон Германаар ярьж чадна.  Тун адахгүй Испаниар бас ярьдаг болно байх.

Испаниас юу нь хамгийн их таалагдав?

Гарцаагүй цаг агаар нь хамгийн их таалагдаж байна. Энэ нь амьдралыг маш сайхан, дулаахан, тайван болгодог.  Мөн энд амьдралын хэмнэлээс эхлээд бүх зүйл нь асар хурдтай. Энэ нь ч бас их таалагддаг.

Танийг анх ирэхэд юу хамгийн их гайхшруулсан бэ?

Клуб бүхэлдээ намайг алмайруулж байлаа. Ямар том гээч… Би хэдхэн жилийн өмнө Раул, Икер, Гүти нарыг зурагтаар хардаг байлаа. Тэд бол гайхалтай хүмүүс санагдсан.  Мөн олон Голланд тоглогчид байгаа нь багтаа дасахад илүү амар болгож байна.

Удахгүй болох Реал, Ливерпүүлийн тоглолтыг та хэрхэн төсөөлж байна?

Энэ тоглолт бол тоглогч бүрийн амьдралд ховорхон тохиолдох агуу тулаан юм. Энэ сугалааг сонсоход бидэнд их сайхан байсан шүү. Гэхдээ бид одоо лигитээ илүү анхаарлаа хандуулах ёстой.

Эцэст нь фэнүүддээ хандаж юу хэлэх бол?

Би та бүгдийн хүлээж байгаагаас илүү ихийг хийх болно.  Олон гоол оруулж, дамжуулалт өгч багийнхаа чухал тоглогч байхыг хүсэж байна. Мөн бидэнд одоо ч боломж байна.  Бид цом авна гэдэгтээ итгэлтэй байгаа шүү.