14 дэх удаагийн лигийн АШТ-ий нэгдүгээр тойргийн тоглолтууд үргэлжилж байна. Одоогоор “Хасын хүлгүүд”, “Баянзүрх буллз” багууд дараалан хожил аваад буй бол хошой аварга “Харцага” хоёр бүдэрлээ.

I.21
—————–I     II       III       IV
Халлелуяа  27   26    20     27   100
Харцага       24   27    18     23    92

Халлелуяа: Ш.Сэдбазар 21+13 самбар+5 оновчтой дамжуулалт, З.Доржсүрэн 15, С.Пүрэвцэрэн 15, Б.Дорждамба 12+6 самбар

Хараагийн харцага: Б.Ариунболд 38+6 самбар, О.Ууганбаяр 24, Б.Нэмэхбаяр 13, Ү.Давхарбаяр 10

Лигийн хошой аварга “Хараагийн харцага” эхний тоглолтоо “Халлелуяа”-гийн эсрэг хийлээ. Уг хоёр баг өнгөрсөн оны лигийн АШТ-ий нээлтийн тоглолтод мөн учраа таарч байв. Өнгөрсөн оны бүрэлдэхүүнээ эрс шинэчилсэн тус хоёр багийн тоглолтод Пак Сун Ген дасгалжуулагчтай “Халлелуяа”-гийнхан ялалт байгууллаа.
“Халлелуяа”-гийн залуу төвийн тоглогч Б.Дорждамба нийт долоон довтолгооныхоо зургааг нь оновчтой болгосон. Харин “Хараагийн харцага”-ын ахлагч Ү.Давхарбаяр нийт довтолгоогоо бүгдийг нь оновчтой болгосон ч багаа хожилд хүргэж чадсангүй. “Харцага”-ын мэргэн бууч Д.Тамир таван алдаа гаргаж тоглолтоос чөлөөлөгдсөн бол Б.Ариунболд, Ү.Давхарбаяр нар тус бүр дөрвөн алдаа гаргажээ. Харин “Халлелуяа”-гаас Б.Түмэнжаргал таван алдаа, О.Сэргэлэн, С.Пүрэвцэрэн, Б.Баярбат, Ш.Сэдбазар, Б.Очир-Эрдэнэ нар дөрвөн удаа хувийн алдаа гаргасан байна.

———–1       2        3        4
Лидер 21    26      20     21      88
Шаркс   31    19       23     14      87

Лидер : З.Энхсайхан 27+15 самбар , П.Болортулга 20+11 самбар , Б.Цогоо 12+11 самбар , Б.Ананд 12

Шаркс : Ц.Ганболд 26+11 самбар , Д.Дэлгэрням 19+10 самбар , А.Чойдорж 16+7 самбар , Э.Жавхлантөр 12

Гурван үе илүүрхэж явсан ШУТИС-ийнхан дөрөвдүгээр үед тун хангалтгүй тоглолоо. Тоглолтын сүүлийн минутад ”Шаркс”-ын А.Чойдоржын бөмбөгийг ”Лидер”-ийн Д.Нямдаваа тасалж , П.Болортулгатай хоршсон довтолгоогоо оновчтой болгосноор өрсөлдөгчөө нэг онооны  зөрүүтэй буулгаж авлаа. ”Лидер”-ийнхэн энэ өдөр 28 удаа бөмбөгөө алдсан бол ”Шаркс” 17 удаа бөмбөгөө хураалгажээ. Мөн хоёр баг аль аль нь есөн торгуулийн шидэлтээ алдсан байна.

————1      2     3       4
MBM        15    18   24     19      76
Ёлууд 24    13   19     23     79

MBM : Г.Ихбаяр 23+5 о.дамжуулалт , Б.Бямбанаран 21 , Н.Золжаргал  12 , О.Нямбаяр 8+10 самбар

Ёлууд : Т.Санчир 28+16 самбар , Б.Мөнхболд 18+12 самбар , Д.Мөнхтүвшин 9

Шийдвэрлэх дөрөвдүгээр үед ”Ёлууд”-ын Т.Санчир гайхалтай тоглож багтаа эхний ялалтыг авчирлаа. Түүнийг зогсоох хамгаалагч ”MBM” -д гарсангүй. Т.Санчирыг хамгаалах учиртай Н.Золжаргал (MBM) дөрөвдүгээр үеийн дундуур тав дахь алдаагаа гаргаснаар талбайг орхисон юм. Мөн тус багийн ахлагч Г.Ихбаяр чухал үед торгуулийн шидэлтээ алдчихав. Ингэснээр ”MBM” дараалан хоёр бүдэрлээ.
1.23

——————-1       2      3      4
Халлелуяа     17     7      26    25        74
Буллз 22    26     32    24       104

Халлелуяа : З.Доржсүрэн 148 , О.Золзаяа 12 , С.Пүрэвцэрэн 12
Баянзүрх Буллз : Б.Даваажав 22, Ш.Зориг 17 , Л.Эрдэнэбилэг 16+8 самбар , М.Цогтбаатар 15 , А.Даваадаш 9+11 самбар , Ц.Шаваржамц 10

”Ёлууд” -аас шилжин ирсэн холбон тоглогч Б.Даваажав шинэ багтаа хурдан идээшиж буй бололтой. Тэрбээр уг тоглолтонд жинхэнэ лидерийн үүргийг гүйцэтгэсэн. Мөн тус багийн довтлогч Л.Эрдэнэбилэг сайтар хамгаалсны дээр самбарт ноёлж байв. Тоглолтын эхний хагаст ”Буллз”-ынхан өрсөлдөгчийнхөө авсан 24 оноог нэг дахин нугалсан. Улмаар тоглолтын үндсэн цагт тэд 30 онооны зөрүүтэй ялалт байгууллаа.

—————-1      2      3      4
Харцага       13    18   15    18     64
Хүлгүүд 16    23    9     20     68

Хараагийн Харцага : Б.Ариунболд 20+7 самбар , Б.Ганхөлөг 14 , Ү.Давхарбаяр 12+7 самбар , О.Ууганбаяр 10+13 самбар

Хасын Хүлгүүд : Ц.Мэргэн 24+6 самбар , А.Од 16 , О.Сайнбаяр 9+9 самбар

Өнгөрөгч оны лигийн аваргууд ээлжит хожлоо ”Хараагийн харцага”-ын эсрэг авч чадлаа. Багийн лидер ”Данди” хочит Д.Бат-Эрдэнэ (2008 оны лигийн тэргүүн тоглогч) нь ердөө ганцхан оноо авсан ч хамгаалалтдаа нямбай тоглов. Тэрбээр 10 удаа самбараас бөмбөг авч , таван удаа бөмбөг тасалсан байна. Ц.Мэргэн шилдэг тоглолтыг үзүүлсэн. Тэрбээр 47 хувийн оновчтой довтолжээ. Харин торгуулийн шидэлтээ тийм ч хангалттай шидээгүй бөгөөд 16-гаас долоог нь л оновчтой болгосон байна.

———1        2       3         4
MBM 22     15    30    20    87
Лидер     18     19     19    22     78

MBM : Н.Золжаргал 24+5 самбар , Г.Ихбаяр 19 , Э.Ууганбат 15 , Э.Дөлгөөн 14 , Б.Бямбанаран 8+15 самбар

Лидер : Э.Энхтайван 24+21 самбар , П.Болортулга 20+11 самбар , Б.Цогоо 18

Хүч тэнцүү тулаанд хоёр дараалан бүдэрсэн ”MBM”-ийнхэн ”Лидер”-ийг хожсоноор анхны ялалтаа байгууллаа. Тэд тоглолтын эхнээс л санаачлагыг аван тоглож өрсөлдөгчөө буулгаж авсан юм. ”Лидер”-гол тоглогч Э.Энхтайван , Н.Батбаатар нар тус бүр таван алдаа гаргаж тоглолтоос чөлөөлөгдсөн. Мөн үндсэн бүрэлдэхүүний Б.Цогоо , П.Болортулга нар дөрвөн алдаа гаргасан байна. Энэ нь ”MBM”-ийн довтолгоо ямархуу ширүүн байсныг илтгэх бизээ.

Тэмцээний явц