Оны эхний “Их дуулга” болох Австралийн нээлттэй тэмцээн сонирхолтой шатандаа ороод байна. Шөвгийн 8-д шалгарахын төлөө энэ тэмцээний чансааны номер 1-т бичигдсэн Испаний Рафаель Надаль 13 дахь чансаатай Чилийн Фернандо Гонзалесыг 3 сет дараалан хожлоо. Надаль дараагийн шатанд Францын Жилл Саймонтой тоглоно.

Харин Рожер Федерер Чехийн Томас Бердыхтэй шөвгийн 16-д тааран, хүнд хэцүү тоглолтын эцэст буулгаж авлаа. Бердых эхний 2 сетийг хожиж, Федерерийг “нуман тулгуурт” оруулсан ч Швейцарь эр туршлага заан, 3 сет дараалан хожиж, шилдэг 8-д үлдэв. Түүний дараагийн учраа нь Аргентиний Хуан Мартин Дель Потро.

Энэ тэмцээнд түрүүлэх магадлалтай гэгдэж байсан Их Британий Энди Мюррей шөвгийн 16-д Испаний Фернандо Вердаскотой 5 сет тоглосны эцэст хожигдлоо. Ийн тэрээр 1985 онд Жон Ллойд Мелбурнд шөвгийн 8-д хүрснээс хойшхи анхны Британи теннисчин болж чадсангүй. Вердаско энэ тэмцээнд Мюррейтэй тоглохоос өмнөх 3 тоглолтондоо нийтдээ 12-хон гэйм алдсан нь шинэ зуун гарснаас хойшхи хамгийн шилдэг үзүүлэлт болоод байв. Вердаскотой Америкийн Жеймс Блейкийг хожсон Францын Жо Вильфред Цонга тоглоно.

Мөн Энди Роддик, Новак Жокович нар шөвгийн 8-д учраа таараад байгаа.

Харин эмэгтэйчүүдийн хувьд:

Марио Бартоли (Итали) – Вера Звонарева (ОХУ)

Динара Сафина (ОХУ) – Елена Докич

Карла Суарез Наварро (Испани) – Елена Дементьева (ОХУ)

Светлана Кузнецова (ОХУ) – Серена Уилльямс (АНУ) гэсэн оноолтоор шөвгийн 8-л тоглох юм.