Энэ жилийн Австралийн нээлттэй тэмцээнд аврагаа хамгаална гэсэн асуудал байхгүй боллоо. Өнгөрсөн жилийн аварга Мариа Шарапова  бэртлийн улмаас тэмцээнийг өнжсөн , дээрээс нь эрэгтэй эмэгтэй хос төрлийн аврагууд аль хэдийнэ хасагдсан энэ үед Новак Жокович бас л цомоо хамгаалж чадахгүй боллоо. Тэрээр Америкийн ”хатуу самар” Энди Роддиктой таарч гурван үеийн турш 6-7(3) 6-4 6-2  гэж дээрэлхүүлсний эцэст биеийн байдлаас болж  ‘бууж өгсөн байна’. Хоёр цаг , хагас үргэлжилсэн энэ тулааны үеэр целсийн +35 орчим хэмийн халуу шатаж байсан нь ч Новакыг ийм шийдвэр гаргахад нөлөөлсөн биз. Эхний үеүүдэд Серби эр муугүй тоглож , өрсөлдөгчийнхөө хүчтэй цохилтын хариуг барьж байсан бол сүүл рүүгээ хэтэрхий хайнга гэмээр алдаа олны гаргаснаар ийн ялагдлаа.
Роддик ‘Үнэнийг хэлэхэд тусламж авах хүртэл нь Новакын бие муу байгааг анзаараагүй , харамсалтай байна’ , би түүний төлөө санаа зовж байна ,  тэр аврагаа хамгаалах гэж их хичээж байсан ч ийм зүйл тохиолдсонд нь харамсаж байна ‘ гэжээ.

Роддик өмнө нь гурван удаа Австралийн нээлттэй тэмцээний хагас шигшээд үлдэж байсан ч , цааш явж байгаагүй. Энэхүү хар цувралаа төгсгөл болгох боломж түүнд ойрхон байна. Гэхдээ хагас шигшээн өрсөлдөгч нь Федерер-Дель Потро хоёрын ялсан нь байх болно гэдгийг мартаж болохгүй.