Өнөөдөр НБА-ын талбайд 5 тоглолт боллоо.

“Кливленд” – “Сакраменто” – 117:110 (26:27, 34:29, 28:26, 29:28)

К: Мо Уильямс – 43 оноо + 8 самбар + 11 дамжуулалт. Л. Жеймс – 23 + 15 самбар.

С: Кев. Мартин – 35. Сэлмонс – 21.

Мо Уилльямс энэ жилийн Бүх оддын тоглолтонд оролцох томоохон алхам хийлээ. Сакраментогийн эсрэг хувийн дээд  амжилт 43 оноо авч багаа тэргүүлэв. Дасгалжуулагчдын саналаар Бүх оддын нөөц тоглогчдыг нэрлэх бөгөөд Уилльямс нэрлэгдэх өндөр магадлалтай байна. Кливленд талбай дээрээ энэ улиралд 21 тоглож, 21 хожоод байна. Мөн ЛеБрон Жеймс 20 дахь удаагаа трипл-дабл хийв.

Кавальерсийн төвийн тоглогч З. Илгаускас Даваа гаригаас бэлтгэл хийж эхэлсэн бөгөөд Улаанбаатарын цагаар Баасан гаригт болох тоглолтонд оролцож магадгүй юм байна.

“Орландо” – “Индиана” – 135:111 (36:18, 32:32, 34:37, 33:24)

О: Пьетрус – 27 + 10 самбар. Льюис – 24. Дуайт Ховард – 22 + 10 самбар.

И: Форд – 23. Дэниелс – 16.

12 тоглолт дараалан өнжөөд байсан Микаель Пьетрус гэмтлээсээ эргэн ирж, багтаа үлэмж тус хүргэлээ. Тэрээр нөөц тоглогчоор тоглолтонд оролцож, 27 оноо, 10 самбараас авалт хийжээ.

“Тэд Дорнод бүсийн шилдэг баг. Дуайт Ховард бол Шакилаас хойшхи хамгийн доминант тоглогч” хэмээн хожигдсон багийн лидер Денни Грейнжер хэлсэн байна.

“Мемфис” – “Денвер” – 85:100 (25:24, 20:30, 23:21, 17:25)

М: Майо – 19. Гэй – 13. Лоури – 13. Д. Майлз – 13.

Д: Биллапс – 29. Жей. Ар. Смит – 20.

Мемфисийн шинэ дасгалжуулагч Лионел Холлинзийн гараа хожигдлоор эхэллээ. Чонси Биллапс 3-р үед 14 оноо дараалан авч, Мемфис 10 дахь дараалсан хожигдлоо хүлээж буй нь энэ. Мемфис эдгээр 10 тоглолтынхоо ердөө ганцад нь л 90-ээс дээш оноо авсан байна.

Харин Денвер 30-15 амжиллтай болж байгаа нь энэ багийн түүхэн дэх эхний 45 тоглолтын дараах 2 дахь хамгийн сайн амжилт болж байна.

“Юта” – “Сан-Антонио” – 100:106 (28:25, 21:25, 31:30, 20:26)

Ю: Р. Брюэр – 23. Окур – 22 + 17 самбар.

СА: Паркер – 24. Данкан – 24. Боннер – 20.

Ману Жинобили тоглолтын төгсгөлд торгуулийн шидэлтүүдээ амжилттай гүйцэтгэн, багийнхаа хожлыг баталгаажуулснаар Спэрс 30 дахь хожлоо авлаа. Харин Юта 4 дараалан хожигдож, одоогоор плей-оффын байрны гадна бичигдэж байна. Ютагийн довтлогч Карлос Бузер удаан хугацаанд тоглохгүй байгаа нь Жаззын амжилтанд сөргөөр нөлөөлж байна. Бузер 2 сарын дундуур эргэн ирэх төлөвтэй.

“Лейкерс” – “Шарлотт” – 110:117 2ОТ (16:23, 32:26, 22:27, 23:17, 17:24)

Л: Брайант – 38. Э. Байнум – 24 + 14 самбар.

Ш: Диао – 23. Фелтон – 22 + 11 самбар.

Лейкерс өнгөрсөн сарын хугацаанд Бостон, Кливленд, Спэрс зэрэг лигийн топ багуудыг талбай дээрээ итгэлтэй хожиж байсан ч энэ удаа Шарлоттыг барсангүй.

Шарлотт 2 нэмэлт цагт Лейкерсийг хожсон бөгөөд энэ 2 багийн сүүлийн 6 тоглолтын 5-д нь Шарлотт хожоод байна.

Эхний нэмэлт цагийн сүүлийн минутанд Коби Брайант 6 дахь алдаагаа хийн, тоглолтыг чөлөөлсөн бөгөөд Лейкерсийн од энэ улиралд анх удаа тоглолтыг дуусгаагүй нь энэ. Үүнээс гадна По Газолийн муу тоглолт Лейкерсийн хожигдлын нэг шалтгаан нь гарцаагүй. Газоль 16 шидэж, ердөө 4-ыг нь оновчтой болгосон байна. Лейкерсийн дасгалжуулагч Фил Жексон “По Лейкерсийн тоглогч болсноосоо хойш хамгийн муу тоглолтоо хийлээ” гэсэн байна.

Энэ тоглолт Лейкерсийн энэ улирлын анхны нэмэлт цагтай тоглолт болжээ. Мөн тэд ээ улиралд Дорнод бүсийн багуудын эсрэг 18 тоглож, 6-д нь хожигджээ. Харин  Шарлотт Өрнөд бүсийн багуудын эсрэг энэ улиралд 15 тоглож, 9 хожсон ба Диау, Белл нарын Сансаас авснаас хойш 12 хожиж, 10 хожигдоод байна.