Аливаа улсын хөлбөмбөгийн лигийн тэмцээнүүдэд тус лигийн хамгийн хүчтэй хоёр багийн хооронд ширүүн тэмцэлдээн өрнөдгийн хамгийн тод жишээ бол Барселон болон Реал Мадрид клубуудын хооронд болдог тоглолтууд буюу нийтэд Эль классико гэдгээрээ алдаршсан лигийн тоглолтууд юм.

Эдгээр багууд нь Испанийн хоорондоо таарамжгүй харилцаатай байдаг Кастиль болон Каталон мужуудын нийслэл хотуудын баг бөгөөд Каталан болон Кастильчууд нь спортоор төдийгүй соёл, урлаг, улс төрийн үзэл бодлоороо сөргөлддөг ажээ. Ерөнхий сайд Ривера болон Франсиско Франкогийн (1939-1975) засаглалын үед Каталан үндэстнийг, Калатон мужийг ил тодоор хяхан хавчиж байсан юм. Каталан хэлийг хэрэглэхийг хуулиар хориглож байсан нь энгийн жишээ байв. Энэ үед Каталанчуудын эрх чөлөөний үзэл санааны хамгийн тод илэрхийлэл нь хөлбөмбөгийн Барселон клуб болжээ.Иймээс Каталанчууд өөрийн хамгийн хайртай клубээ més que un club буюу “клубээс ч эрхэм зүйл” хэмээн өргөмжлөх болсон байна.Эсрэгээрээ Реал Мадрид нь Франкогийн Фашист дэглэм, түүний Кастиль төвтэй нэгдсэн Испани хэмээх үзэл санааны илэрхийлэл бэлэгдэл мэт байсан аж. Хэдийгээр Испанийн иргэний дайны үед аль, аль клубийнх нь нөлөө бүхий хүмүүс Франкогийн харгислалд өртөн хөнөөгдсөн ч Франко Реал Мадрид багийг дэмжин, өмгөөлөн заримдаа шударга бусаар дөвийлгөдөг байсан гэдэг. Гэвч өнөө үед Мадридын олон фэн үүнийг эрс үгүйсгэхийг оролддог.

Багуудын хоорондын таарамжгүй байдал 1950-аад онд маш хүчтэй болж иржээ. Тухайн үед од болон гялалзаж байсан Альфредо ди Стефанотой байгуулсан Барселоны гэрээг засгийн газрын оролцоотойгоор болиулан Реал багтай байгуулсан нь гэх цуу яриа үүнд ихээхэн нөлөөлсөн гэдэг. Ди Стефаног эгнээндээ авсан Мадридын клуб давамгайлах байдлыг бий болгосон байна.

1960-аад онд ривалуудын тулаан европын тавцанд гарч, Европын цомын хагас шигшээд хүрч өргөжсөн байна.1960 онд Реал ялж байсан бол 1961 онд Барса илүүрхэж байв.

Эль Классиког улам хурц болгож байдаг зүйл бол топ тоглогчдоо эсрэг багтаа алдах явдал байдаг. 1980-аад онд Бернд Шустерыг, 1990-ээд онд Михел Лаудрупыг Реал Мадрид клуб өөрийн эгнээндээ нэгтгэж байв. 2000 онд Барсагийн фенүүдийн хайртай тоглогчдын нэг Луйш Фигу нууцаар Эзэн хааны клубтэй гэрээ байгуулсан нь уг багуудын хоорондын өрсөлдөөнийг оргилд нь хүргэсэн гэж үздэг. Хэзээ ч Реалын бүрэлдэхүүнд орж тоглохгүй хэмээн мэдэгдэл хийснийхээ маргааш Фигу Мадрид руу нисч, Реалын гишүүн болсноо зарласан нь цэлмэг тэнгэрт аянга цахилахтай адил хэрэг болж, хэт үндэсэрхэг үзэлт Каталаны Boixes Noise-ууд танхайрлыг улам дэвэргэсэн гэдэг. Эсрэгээрээ Луйс Энрике Реал Мадридаас Барса руу шилжихэд ч Реалын ультра сурууд нилээд үймээн дэгдээсэн гэдэг. Энэ бол ямар их ач холбогдол өгдгийн тод жишээ.

Эдгээр багуудын хооронд шилдэг тоглогчид шилжих явдал нилээд хэд гарч байв.

• Alfonso Albéniz (Barça to Madrid) (1902)
• Luciano Liz Raga (Madrid to Barça) (1905)
• Charles Wallace (Barça to Madrid) (1906)
• José Quirante (Barça to Madrid) (1906)
• Alfonso Albéniz (Barça to Madrid) (1911)
• Arsenio Comamala (Barça to Real Madrid) (1911)
• W. Rozitsky (Barça to Madrid) (1913)
• Ricardo Zamora (Barça to Espanyol to Madrid) (1930)
• Josep Samitier (Barça to Madrid) (1932)
• Hilario Juan Marrero Pérez (Madrid to Valencia to Barça) (1939)
• Alfonso Navarro (Barça to Madrid) (1950)
• Justo Tejada (Barça to Madrid) (1961)
• Jesús Pereda (Real Madrid to Real Valladolid to Sevilla to Barça) (1961)
• Evaristo de Macedo (Barça to Madrid) (1962)
• Fernand Goyvaerts (Barça to Madrid) (1965)
• Lucien Muller (Madrid to Barça) (1965)
• Lorenzo Amador (Madrid to Hércules CF to Barça) (1980)
• Bernd Schuster (Barça to Madrid) (1988)
• Luis Milla (Barça to Madrid) (1990)
• Gheorghe Hagi (Madrid to Brescia to Barça) (1991)
• Fernando ”Nando” Muñoz (Barça to Madrid) (1992)
• Julen Lopetegui (Madrid to CD Logroñés to Barça) (1994)
• Michael Laudrup (Barça to Madrid) (1994)
• Robert Prosinecki (Madrid to Real Oviedo to Barça) (1995)
• Miquel Soler (Barça to Sevilla to Madrid) (1995)
• Luis Enrique(Madrid to Barça) (1996)
• Daniel García Lara (Madrid to Real Mallorca to Barça) (1999)
• Luís Figo (Barça to Madrid) (2000)
• Albert Celades (Barça to Celta Vigo to Real Madrid) (2000)
• Alfonso Pérez (Madrid to Real Betis to Barça) (2000)
• Jordi López (Barça B to Madrid) (2002)
• Ronaldo (Barça to Inter Milan to Madrid)(2002)
• Roberto Trashorras (Barça B to Madrid) (2003)
• Samuel Eto’o (Madrid to Real Mallorca to Barça) (2004)
• Iago Falqué (Madrid B – Barça) (2005)
• Jeffrey Hoogervorst (Madrid B to Barça B) (2006)
• Thaer Bawab (Madrid B to Barça B) (2007)
• Javier Saviola (Barça to Madrid) (2007)

Өнөө үед Барселон, Реал Мадрид клубуудын аль аль нь Ла лигийн төдийгүй дэлхийн хамгийн том клубуудын тоонд багтах болсон бөгөөд лигидээ төдийгүй олон улсын түвшинд ч хамгийн хүчтэй өрсөлдөгчид болжээ. Хамгийн сүүлийн Эль Классикод Барса 2:0 -ээр ялалт байгуулсан бөгөөд дараагийн тоглолт Сантьяго Бернабеуд 2009 оны 5 сарын 3-нд буюу Ла лигийн 34 -р тойрогт өрнөх болно.

Эль Калссикогийн үр дүнгийн харьцаа

Эль Классикогийн үр дүн (зөвхөн Испанийн лигид)